Ўзбекистон республикаси олий ва ўрта махсус таълим вазирлиги ўрта махсус, касб-ҳунар таълими маркази

Ўқувчиларнинг руҳий ҳолатларини ўрганиш

Мақсад: Қалтис гуруҳга мансуб ўсмирларнинг тенгдошлари орасидан тўғри ажратиб олиш, уларнинг стресс ҳолатига тушишлари олдини олиш ва реабилитация этиш, шунингдек улар билан олиб бориши зарур бўлган индивидуал тарбиявий ва психокоррекцион ишларнинг тўғри йўналишини белгилаб олиш.

Кўрсатма: Психолог бу машғулотни ўсмир билан алоҳида якка тартибда амалга ошириши мақул. Чунки баъзи бир саволларга жавоб қайтариш ҳолларида болада саволлар туғилиши ва улар атрофдагилардан тортиниб машғулот олиб борувчига мурожаат эта олмаслиги мумкин. (Аниқ жавоб олиш мақсадида психолог саволларни изоҳлаб туриши мумкин).

1. Ўсмир психологик стресс ва зўриқишларга нисбатан чидамлими?

2. Ўзига нисбатан ишончсизлик ва ўз-ўзини баҳолаганда паст баҳо бериш ҳолатлари тез-тез намоён бўладими?
3. Тенгдошлари билан кўчада муомила қилишда қийналадими?
4. Мактабда ўзини тутиш ёки муомила муносабатида ховотирланиш, қўрқув ҳиссини намоён қиладими?
5. Қандай йўл билан бўлсада, янги ҳис-туйғулардан роҳатланишга интилиши тез-тез намоён бўладими?
6. Ўсмирда дўстлари ва танишларининг фикрига тез қўшилувчанлик, бировларнинг ҳаёт тарзига тақлид қилувчанлик, танқидий ва мустақил фикр билдиришдан йироқлик кузатиладими?
7. Юқумли ва туғма касалликлар, мия жароҳати ёки патологиясига боғлиқ бўлган оғишлар унинг ҳулқ-атворида акс этадими?
8. Низоли вазиятлардан чеккада юриш ва тинчлик оламига интилиш унинг характер хусусиятида намоён бўладими?
9. Ота ёки онасининг гиёҳвандлик ёки алкоголизм касаллиги наслий характерга эгами?
1,2,3,4 саволларнинг «ҳа» жавоблари учун 5 балл берилади. 6,8 саволларнинг «ҳа» жавоблари учун- 10 балл берилади, 5,7,9 –саволларнинг «ҳа» жавоблари учун эса 15 балл берилади. «Йўқ» жавоби учун 0 - балл қўйилади.

15 баллдан кам тўплаган бўлса, ўсмир қалтис гуруҳга кирмайди, хавф-хатардан йироқ.

15 дан 30 баллгача тўплаган бўлса, ўсмир қалтис гуруҳга яқин, унинг хулқ-атвори ва юриб-туриши назорат этиш катта эътиборни талаб этади .

30 дан юқори балл тўплаган бўлса, дарҳол тажрибали педагог, психолог, врач ва вояга етмаган хуқуқбузарлик ишлари билан шуғулланувчи милиция ходимларига мурожаат этиб, маслаҳатлашиш лозим.