Ўзбекистон республикаси олий ва ўрта махсус таълим вазирлиги ўрта махсус, касб-ҳунар таълими маркази

Фаннинг мақсади ва вазифаси
Фаннинг мақсади: Чизмаларни давлат стандартлари талабига мувофиқ бажариш ва техник чизмаларни ўқиш, геометрик чизмачилик, геометрик сиртларни аксонометрик проекцияларини ясаш, проекцион чизмачилик, техник расмлар чизиш усуллари ва йиғиш чизмаларининг замонавий техник воситаларидан фойдаланган ҳолда чизишни ўргатиш.
Бирикмалар, пружиналар, тишли узатмалар, машина деталларининг эскизларини, иш чизмаларини ва йиғиш чизмаларини чизиш ҳамда ҳар хил схемаларни чизиш тўғрисидаги маълумотлар, уларни ўқиш қоидалари ва усулларини ўргатиш ва чизма чизиш ускуналаридан тўғри фойдаланишни ўргатиш.


Фаннинг вазифаси: Муҳандислик графикаси ўқувчиларга техникавий ғояларни чизмалар воситасида баён этишни, шунингдек берилган чизмалар орқали техник буюмларни ишлаш принципларини тушунишни ва конструкторлик ҳужжатларини расмийлаштиришнинг асосий қоидаларини ўргатади.
Чизмаларга қараб тўлиқ фикр юритиш, уларни ишлаб чиқариш ҳужжатлари сифатида билиш, муҳандислик графикасидан етарли билим, кўникма ва малакага эга бўлиш, тегишли мутахассислик йўналиши бўйича барча техник фанларни мукаммал ўрганиш. Чизмага тегишли стандартларни мукаммал ўрганиш, чизмаларни тўғри чизиш ва уни ўқишни билиш.


Фан бўйича ўқувчининг билиши лозим бўлган билим ва кўникмалари.
Билимлар: Фанни ўрганиш натижасида ўқувчилар қуйидаги билимларга эга
бўлиши керак.

• 
  Масштаб ва ўлчамлар;
  
• 
  Нуқтани проекцияси ва текисликлар;
  
• 
  Аксонометрик проекция турлари;
  
• 
  Геометрик жисмларни текислик билан кесишуви;
  
• 
  Текис шакл ва геометрик жисмларнинг расмлари;
  
• 
  Машинасозлик чизмаларида тасвирлар;
  
• 
  Кўринишлар, қирқимлар ва кесимлар;
  
• 
  Ажраладиган ва ажралмайдиган бирикма турлари ва чизмалари;
  
• 
  Резьбаларни тасвирлаш;
  
• 
  Деталларнинг эскизини бажариш усуллари;
  
• 
  Йиғиш чизмаси унинг вазифаси ва ишлаб чиқаришдаги ўрни;
  
• 
  Йиғиш чизмаларига спецификациялар тузиш;
  
• 
  Мутахассислик бўйича чизмалар.
  

Кўникмалар: Фанни ўрганиш натижасида ўқувчилар қуйидаги кўникмаларга эга
бўлишлари керак

• 
  Чизмаларни чизиш техникасига эга бўлиш;
  
• 
  Чизмаларни Давлат стандартлари (ГОСТ ва ЕСКД) талабларига мувофиқ бажариш;
  

• 
  Геометрик сиртларнинг проекцияларини тасаввур қила билиш;
  
• 
  Деталларни аксонометрик проекцияларини ясаш;
  
• 
  Деталларни ички қисмларини қирқим ва кесимларда кўрсатиб бериш;
  
• 
  Ажраладиган ва ажралмайдиган бирикмаларни чизиш;
  
• 
  Машина деталларини эскизларини чизиш;
  
• 
  Буюм йиғиш чизмаларни чизиш ;
  
• 
  Мутахассислик чизмаларни чизиш ва уларни ўқий олиш;