Ўзбекистон республикаси олий ва ўрта махсус таълим вазирлиги ўрта махсус, касб-ҳунар таълими маркази

Фан бўйича ўқувчининг лозим бўлган билим ва кўникмалари.
Билим:

• 
  автомобилларнинг умумий тузилиши;
  
• 
  двигателларни умумий тузилиши ва иш цикллари;
  
• 
  двигател ва механизм тизимлари тузилиши ва ишлаш тартиби;
  
• 
  трансмиссиянинг вазифаси, тузилиши ва ишлаш тартиби;
  
• 
  юриш қисмининг вазифаси ва тузилиши;
  
• 
  бошқариш органларининг вазифаси ва тузилиши.
  

Кўникма:
-автомобилларни тузилишини бўлакларга бўлиб ўрганиш;

• 
  двигателларни механизм ва тизимлари тузилиши бўйича амалий машғулотларни мустақил равишда бажариш;
  
• 
  автомобилларнинг трансмиссияси, юриш қисми, бошқариш органларини тузилиши бўйича амалий машғулотларни мустақил равишда бажариш;
  
• 
  барча турдаги автомобилларни тавсифномаларини махсус маълумотнома асосида тузиб чиқиш.
  

-автомобилнинг бирикма, агрегат, механизмларни қисмларга ажратиш-йиғиш.
Фанлараро алоқалар.
Ушбу фанни ўзлаштириш учун талаба “Умумтаълим” фанларидан физика, математика ва кимё фанларини, шунингдек “Умумтехника” фанларидан техник механика, электротехника ва электроника асослари, стандартлаш асослари ва чизмачилик, каби фанларни чуқур ўзлаштирган бўлишлари талаб этилади. Ўқувчи табиат ва механика қонунларидан хабардор бўлсагина ички ёнув двигателида содир бўлаётган жараёнларни тасаввур этади, ёки кимёвий элеменларнинг тузилиши ва хоссаларини билсагина автомобил деталларини нима учун турли хил металл қотишмаларидан тайёрланганлиги баҳо бера олади. Ўқувчи-талаба кимё фанида олган билимларига таяниб ёнилғи, мойлаш ва сурғичли материаллар нима учун автомобилларнинг конструциясига кўра ишлатилишини,уларнинг вазифаси нималардан иборат эканлигига жавоб бера олади. Шунинг учун ўқув режага кўра юқорида келтирилган фанларни ўзлаштирилгандан сўнг ўқувчи-талаба “Автомобил тузилиши” фанини ўзлаштиришга кириши кўзда тутилган.
Фанни ўқитишда илғор педагогик ва ахборот технологиялар.
Бугунги автомобилларнинг конструкцияси шу қадар мураккаблашиб бормоқдаки, уларни оддий плакат ёки схемаларда ўқувчининг онгига етказиш мумкин эмас.
Техникага оид фанларни ўргатиш жараёни турли хилдаги кўргазмали ўқув қуролларини қўрсатиш билан, машқлар ва лаборатория ишлари, бу машғулотларнинг ўзаро узвий боғланганликлари билан олиб борилиши лозим. Автомобил тузилиши фанидан дарс беришда автомобилларга оид барча кўргазмали техник қуроллар (актив, пассив), унинг қисмлари бўлиши лозим. Шунингдек таълим беришнинг замонга хос техник воситаларидан: диафильмлар, слайдлар, кинофильмлар, ўргатувчи ва назорат қилувчи компьютерлардан ҳамда уларнинг дастурларидан (қўлланмаларидан) фойдаланиш керак.
Маълумки, таълим - икки ёқлама жараён. Бу жараёнда педагог ҳам, ўқувчи-талаба ҳам фаол бўлиши керак. Агар педагог ўз ишида муваффақиятга эришишни истаса, у албатта, ўқувчиларнинг фаоллигини тўғри йўлга солишга интилади. Педагог бераётган ахборот ўқувчилар томонидан қандай қабул қилинаётганини, бошқача қилиб айтганда “Тескари алоқа - билим олиш” юзага келаётганлигига ишонч ҳосил қилиши керак. Тескари алоқа таълим беришнинг асосий мақсади ва шартидир.