Ўзбекистон республикаси олий ва ўрта махсус таълим вазирлиги ўрта махсус профессионал таълимнинг

Ўқув дастурига қўйиладиган талаблар

Ўқув дастурининг номи	Микробиология, вирусология, иммунология
Ажратилган соат	72
Мавзулар сони	9
Дастурнинг мақсади	талабаларга бактериология, вирусология, иммунология, микология, паразитология соҳасидаги билимларнинг назарий, амалий асосларини, қонуниятларини ва юқумли касаллик қўзғатувчисига замонавий ташхис қўйиш, даволаш, касалликнинг олдини олиш усулларини ўргатиш, ҳамда уларни амалиётга татбиқ этиш кўникмасини ҳосил қилишдан иборат.
Ўзлаштириш (ўқитиш) натижалари	Юқумли касаллик қўзғатувчиларини таснифи, тинкториал, культурал, биохимик, антигенлик хусусияларини, касалликни этиологияси, манбаси юқиш йўллари, клиник кечиши, даволаш ва олдини олиш усуллари асосда уларга бактериологик вирусологик ва серологик ташхис қўйишни бажара олиш, микроб культураси, патологик материаллардан суртма тайёрлаш, уларни оддий ва мураккаб усулларда бўяш, микроскоп билан ишлаш ва препаратларни иммерсион системада тўғри диагностика қилиш, патологик материаллардан патоген бактериялар ва вирусларни ажратиб олиш, серологик усулларда юқумли касалликларга ташхис қўйиш бўйича билим ва кўникмаларга эга бўладилар
Билим	Микробиология, вирусологи ва иммунология фани ва унинг вазифалари; микроорганизмларнинг морфологияси, физиологияси ва кимёвий таркиби, ультраструктураси; микроорганизмлар ажратадиган моддалар; микроорганизмлар генетикаси; ташқи муҳит омилларининг микроорганизмларга таъсири; микроорганизмларни табиатда тарқалиши; спирохета ва риккетсияларга умумий характеристика; вирусларга умумий характеристика; бактериофаглар, тиббиётда фагни қўлланиши; антибиотиклар, юқумли касалликларнинг кимётерапияси ва кимёпрофилактикаси; инфекция хақида тушунча. Иммунитет хақида тушунча; юқумли касалликларнинг махсус иммунопрофилактикаси ва иммунотерапияси; аллергия ва анафилаксия.
Кўникма	Бактериологик лаборатория тузилиши ва жиҳозлари билан ишлаш; Микроб культурасидан суртма тайёрлаш, фиксация қилиш; Суртма препаратни оддий усулларда бўяш; микроскоп билан ишлаш; зарарли материалларни зарарсизлантириш; қўл ва иш жойини дезинфекция қилиш; стерилизация асбобларида ишлаш; 1 миллиард микроб культурасини тайёрлаш; соф культурани антибиотикларга сезгирлигини дисклар ёрдамида аниқлаш; дори препаратларини стерилликка текшириш ва натижани ўқиш.