Ўзбекистон республикаси олий ва ўрта махсус таълим вазирлиги низомий номидаги тошкент давлат педагогика университети

2. КУРС ИШИНИ ТАЙЁРЛАШ ВА БАЖАРИШ ТАРТИБИ
Курс ишини тайёрлаш мавзуни танлашдан бошланади. Курс ишининг мавзуси кафедра томонидан тақдим этилган бўлиб, фан дастурида кўрсатилган ҳамма бўлимларни ўз ичига олади. Курс ишлар мавзулари иловада берилган.
Курс ишини танлашда унинг долбзарблигини ҳисобга олиш, керакли материалларни йиғиш имконияти, статистик маълумотлар йиғиш, адабиётлар танлаш лозим. Энг асосий, танланган мавзу талабани қизиқтириши, аввалги ёзилган курс ишлари билан боғлиқ бўлиши, шунингдек келгусида ушбу мавзуда битирув малакавий иши ёзишни мўлжаллаши лозим.
Курс ишини ёзиш, ўрганилаётган обьект бўйича монографияларни тўплашдан ва ўрганишдан бошланади. Шунингдек ўрганилаётган саволлар бўйича чет эл адабиётлардан фойдаланиш тавсия этилади.
Мавзу бўйича адабиётлар талабалар томонидан танланади. Шу билан бирга талабалар ўрганилаётган обьект ёки жараённи ривожланиши ва ўзгаришларини таҳлил қилиш учун керакли маьлумотларни йиғиш ишларини олиб бориши, хулоса ва таклифларни асослашни билишлари лозим.
Курс ишини бажаришга киришишдан аввал талаба ушбу фан дастурининг тегишли бўлимлари билан танишиш, шундан кейин методик курсатмаларда тавсия этилган адабиётларни танлаш керак. Йиғилган материаллар, маьлумотлар ва адабиётларни ўрганиб чиқиб саволларни аниқлашга ва унинг асосида курс иши режасини тузишга имкон беради. Ҳомаки режа кафедра томонидан белгиланган раҳбар билан келишиб олиниши ва тасдиқланиши лозим.
Курс иши режаси 3-4 (5 тадан ортиқ бўлмаслиги) саволдан иборат бўлиб, мавзунинг энг муҳим ҳолатини ёритиши лозим.
Курс ишини бажариш жараёни раҳбар томонидан мунтазам назорат остида бўлиши лозим.
3. КУРС ИШИНИНГ МАЗМУНИ
Курс ишининг мазмуни ўтилаётган фани бўйича тақдим этилган биронта мавзуга мос келиши лозим. Курс иши мазмуни, мавзудан қатьий назар, қуйидагиларни кўрсатиш ва ёритиши лозим;
-курс ишини долбзарблиги ва аҳамияти, мақсади ва вазифалари, унинг таркибий тузилиши, ўрганилаётган муаммони нашриётда ёритилиш даражаси, ишлатилган материалларни манбасини кўрсатиш. Буларнинг ҳаммаси курс ишининг кириш қисмида берилади. Кириш қисми ишнинг 2-3 бетини ташкил этади;
-ўрганилаётган обьектнинг умумий тавсифи, унинг ўрни ва аҳамияти.
Ривожланиши ва аҳамияти ҳамда систематикада тутган ўрни. Бу қисим ишнинг назарий асосини ташкил этиши лозим;
-ишнинг таҳлилий қисми ўрганилаётган мавзуни чуқур таҳлил қилиниши лозим.
Бу курс ишининг муҳим ва аҳамиятли қисми ҳисобланади, у таҳлил усулларини билиши, ҳайвонот оламини чуқур билиш қобилиятига эга бўлишни тақазо этади.