Ўзбекистон Республикаси Олий ва Ўрта Махсус Таълим Вазирлиги низомий номидаги тошкент давлат педагогика университети қ. Юлдашева, З. Ахмедов

16.2. Туризм сиёсатининг муваффақиятли шартлари

Туризм сиёсатининг муваффақиятли шартлари, бошқача қилиб айтганда, кўрилган чоралар ёрдамида кўзланган мақсадларга эришиши, муваффақиятнинг таъсирчан (мақсадларга) шаклда давомийлиги бир- биридан фарқли баъзи шартларга боғлиқдир. Туризм сиёсатини кўзлаган ва иш юритувчи манфаатдор кишилар бу муваффақият шартларини чора-тадбирлари билан эътиборга олишлари лозим. Муваффақият шартларининг бир қисми камида маълум бир вақт учун ўзгармас маълумотдир, бир қисми эса ўзгариши мумкин. Бу ҳолат туризм сиёсатида мавжуд маълум шартлар остида яратилиши мумкин бўлмаган мақсадлардан воз кечиб, келгуси шартларда муҳим ўзгаришларга эришишгача янги мақсадларнинг кўзланишига олиб келади. Туризм сиёсатининг муваффақиятли шартлари, иқтисодий, ижтимоий, ҳуқуқий, демографик шартлар ва фойдалари бўлиши устига тадкик қилиниши мумкин.

Ўзбекистонда бозор иқтисодиётининг шакилланиши жаҳон бозорларида турим соҳасидаги кескин ўзгаришлар даврга тўғри келди. Жаҳонда туризм иқтисодиётнинг аҳамиятли тармоқларидан бирига айланди. Туризм индустрияси миллионга яқин ишчи ва хизматчиларни иш жойлари билан таъминлаб, улар касб маҳоратининг ўсишига имкониятлар яратиб бермоқда. Шуни айтиб ўтиш керак-ки, бу соҳада иш билан таъминланиш бошқа соҳаларга қараганда икки баробар тез ўсмоқда.
Ички ва халқаро туризм ривожланиши тартибсиз равишда содир бўлмайди. Бу бошқарилиши керак бўлган инсон фаолиятининг махсус шаклидир. Туризм индустриясида бошқарувнинг ривожланишига ижтимоий-иқтисодий, техник ва технологик омиллар таъсир қилади. Масалан, иқтисодиёт берадиган даромадларсиз туризмнинг оммавийлигига эришиб бўлмайди, демак бошқарилиш воситаси ҳам мавжуд бўлмайди.
Ўзбекистон Республикаси Конституциясида фуқароларнинг дам олиш ҳуқуқлари белгилаб қўйилган, лекин бу ҳуқуқдан фойдаланиш учун қатор ижтимоий йўналишдаги муаммоларни ҳал қилиш керак: транспорт, йўл, овқатланиш ва бошқалар шулар жумласидандир. Бу ерда гan бошқарилиши керак бўлган туризм инфратузулмаси назарда тутилмоқда.