Ўзбекистон Республикаси Олий ва Ўрта Махсус Таълим Вазирлиги низомий номидаги тошкент давлат педагогика университети қ. Юлдашева, З. Ахмедов

Атамалар луғати

1. Археология - халқларнинг ва миллатларнинг сақланиб қолган тарихий ва

маданий ёдгорликлари ёрдамида инсон жамиятининг ўтмишини ўрганувчи фан.
2. Архитектура - қурилиш санъати, қурилманинг характери ва шакли, бадиий безаги.
3. Ботел - унчалик катта бўлмаган сувдаги меҳмонхона. Жиҳозланган қулайликларга эга бўлган кема.
4. Бутундунё туристик ташкилоти (БТТ) - ҳукуматлараро ташкилот (1975 йилда ташкил топган) бўлиб, туризмнинг ривожланишига кўмаклашади, 170 дан ортиқ аъзоси бор.
5. Диллер- туристик хизматларнинг олди-соттиси билан шуғулланувчи туристик фирмалар, кўпинча улар ўз ҳисобидан ва ўзининг номидан иш олиб боришади.
6. Ваучер - кўрсатиладиган асосий хизматларнинг (меҳмонхонада тўхташ, овқатланиш, транспорт ва б.) ҳаққи тўланганлигини тасдиқловчи ҳужжат.
7. Инвестиция - даромад олиш мақсадидаги узоқ муддатли капитал қўйилмалар.
8. Инвестициялаш - туристик фаолият объекти ёки тадбиркорлик лойиҳасига маълум шартномада айтиб ўтилган шартларда инвестицияни амалга ошириш.
9. Имидж - фирманинг бозордаги обрўси.
10. Ички туризм - бир мамлакат фуқароларининг ўз ҳудудлари чегарасида амалга оширадиган туризми.
11. Кемпинг - шаҳар чеккасида мотелдан узоқ бўлмаган ерда жойлашган бўлади. Автотуристлар, мототуристлар ва велотуристлар учун қулайлик яратилган бўлади. Туристларга ётиш учун хона берилади, кўпинча палатка ёки ёзги уйчалар ва баъзи қулайликлари билан жиҳозланган ошхоналарда махсус таомларни тайёрлаш мумкин.
12. Мотел - автотуристлар учун меҳмонхона. кулай номерлардан ташқари туристларга автомашиналарини турар жойлари билан ҳам таъминланади. Одатда мотелларда ресторан, бар, кино-видеофилмлар кўриш, конференция заллари, спорт билан шуғулланиш ва ўйин майдонлари, бассейн, теннис кортлари ҳам хизмат кўрсатади.
13. Пансионат - бу эркин шаклда, қурилиш пайтида меҳмонхона сифатида барпо этилмаган уйлардир. Пансионлар 10-20 кишига мўлжалланади.
14. «Ротел» - ҳаракатланувчи меҳмонхона, вагон кўринишидаги 1 ёки 2 ўринли номерга эга бЎлган, кийиниш хонаси, умумий овқатланиш, умумий ҳожатхонага эга бўлган меҳмонхона.
15. Туристик база - бу туристик мажмуа бўлиб, унинг таркибига туристларни қабул қилиш ва жойлаштириш биноси ҳамда фаол дам олишни таъминловчи хизматлар киради. Туристик базалар асосан фаол туризм билан шуғулланувчи туристларни қабул қилади. Уларга алпинистлар, сув, чанғи спорти билан шуғулланувчилар ва бошқалар киради.
16. Туристик уй - фаол ҳаракатдаги туристларни қисқа муддат дам олиши учун мўлжалланган бошпанадир. Булар асосан тоғ ёнбағрида жойлашган бўлиб шарт-шароитлари минимал даражада бўлади.
17. Турист - ўз қизиқишларини қондириш мақсадида 24 соатдан кам ва 6 ойдан кўп бўлмаган муддатга чегарани кесиб ўтган киши.
18. Тур - туристларни аниқ йўналиш бўйича, ҳизматлар мажмуаси ва муддати аниқ бўлган ташишни уюштириш.
19. Туризм индустрияси - туризмнинг материал-техник базасини ташкил қилувчи халқ хўжалигининг турли соҳалари йиғиндиси.
20. Туризм Хартияси - халқаро туризмнинг ривожланиши ҳақидаги қонун, БТТ Бош ассамблеяси томонидан 1985 йили 6-сессиясида қабул қилинган.
21. Флотел - сузиб юрувчи меҳмонхона кемаси. Сувдаги улкан отел, махсус жиҳозланган бўлади. Қулай номерлардан ташқари, яхши дам олиш учун қулайлик яратилган, вақтинчалик офисдан фойдаланиш, оператив восита алоқалари: телефон, ксерокс, факс ва бошқа хизматлар кўрсатилади.