Ўзбекистон республикаси олий ва ўрта махсус таълим вазирлиги низомий номидаги тошкент давлат педагогика университети

Тошкент шаҳри 2019 йил 30 август

ОЎМТВнинг 2015 йил 15 октябрдаги “Ўзбекистон Республикаси Вазирлар Маҳкамаси Ёшлар сиёсати, таълим, маданият ва спорт масалалари комплекси мажлиси 2015 йил 29 сентябрдаги 32-сон баёни ижросини таъминлаш тўғрисидаги”ги 399-сонли буйруғининг университетдаги ижроси юзасидан Таълим сифатини назорат қилиш бўлими бошлиғи Н.П.Мавлянованинг ахборотини тинглаб ва муҳокама қилиб Кенгаш аъзоларининг фикр-мулоҳазалари асосида университет Кенгаши

ҚАРОР ҚИЛАДИ:

1. 
   ОЎМТВнинг 2015 йил 15 октябрдаги “Ўзбекистон Республикаси Вазирлар Маҳкамаси Ёшлар сиёсати, таълим, маданият ва спорт масалалари комплекси мажлиси 2015 йил 29 сентябрдаги 32-сон баёни ижросини таъминлаш тўғрисидаги”ги 399-сонли буйруғининг университетдаги ижроси юзасидан Таълим сифатини назорат қилиш бўлими бошлиғи Н.П.Мавлянованинг ахбороти маълумот учун қабул қилинсин.
   
2. 
   2019/2020 ўқув йилида профессор-ўқитувчилар фаолиятини баҳолашдаги тизимини такомиллаштириш бўйича билдирилган таклиф ва фикр-мулоҳазалар асосида Университет Комиссияси аъзолари томонидан педагог ходимлар фаолиятини ўрганиш мезонлари (1-илова), Педагог ходимлар фаолиятини ўрганиш мезонлари бўйича ҳисоблаш услубиёти (2-илова);Профессор-ўқитувчилар фаолиятини ўрганиш бўйича университет Комиссияси (3-илова), Профессор-ўқитувчилар фаолиятини ўрганиш бўйича факультет комиссияси таркиби (4-илова) тасдиқлансин.
   
3. 
   Профессор-ўқитувчилар фаолиятини ўрганиш бўйича университет Комиссиясига очиқ машғулотлар таҳлили варақаси ҳамда педагог ходимнинг ўқитиш сифати даражасини аниқлаш сўровномасини янги таҳрирда жорий этиш вазифаси юклатилсин.
   
4. 
   Ўзбекистон Республикаси Вазирлар Маҳкамаси Ёшлар сиёсати, таълим, маданият ва спорт масалалари комплекси мажлиси 2015 йил 29 сентябрдаги 32-сон баёни иловасидан келиб чиққан ҳолда, университетда 2019-2020 ўқув йилида профессор-ўқитувчиларнинг фаолиятини баҳолашда энг кам (минимал) балл кўрсаткичи 50 балл қилиб тасдиқлансин.Ушбу кўрсаткичдан паст балл тўплаган профессор-ўқитувчилар билан тузилган меҳнат шартномаси ўрнатилган тартибда бекор қилиниши белгилаб қўйилсин.
   
5. 
   Университетнинг Чақириққача ҳарбий таълим факультетида 110 баллик тизимда баҳолаш жорий ўқув йилидан бошлаб, факультетнинг хусусиятлардан келиб чиққан ҳолда педагог ходимлар фаолиятини ўрганиш мезонлари 5-иловага кўра тасдиқлансин, факультетда профессор-ўқитувчиларнинг фаолиятини баҳолашда энг кам (минимал) балл кўрсаткичи истисно тариқасида 35 балл қилиб белгилансин.
   
6. 
   Университет профессор-ўқитувчиларнинг фаолиятини баҳолашда энг кам (минимал) балл кўрсаткичи ўқув йили давомида 10 календар ойи учун 100 % нисбатдан келиб чиқиб, кейинчалик ишга қабул қилинган профессор-ўқитувчиларнинг реал ишлаган даври учун тегишли нисбатдан камайтириб ҳисобланиши белгилаб қўйилсин.
   
7. 
   Ўқув ишлари бўйича проректор Д.Эргашев, соҳа проректорлари, Таълим сифатини назорат қилиш бўлими бошлиғи Н.Мавлянова, факультет деканлари ва кафедра мудирларига:
   
   1. 
      Профессор-ўқитувчилар фаолиятини амалдаги педагог ходимлар фаолиятини ўрганиш мезонларига ва ҳисоблаш услубиёти асосида ўз вақтида ҳамда сифатли баҳоланишини, ушбу жараён узлуксиз мониторинги юритилишини таъминлаш вазифаси юклатилсин.
      
8. 
   Ушбу қарорнинг ижросини назорат қилиш Кенгаши раиси ва Таълим сифатини назорат қилиш бўлими бошлиғи зиммасига юклатилсин.
   

Университет Кенгашининг
2019 йил ______ августдаги
________ -сонли қарорига 1-илова