Ўзбекистон республикаси олий ва ўрта махсус таълим вазирлиги наманган муҳандислик қурилиш институти

Иш жараёнида назорат олиб бориш. Ишлашга ижозат берилганидан сўнг, бригада аъзолари томонидан хавфсизлик талабларини бажарилиши устидан назорат ишбошига юклатилади. У, иложи борича хавфи кўпроқ бўлган иш бажарилаётган жойдан, ишлаётган барча бригада аъзолари ишини назорат қилиш имконини топиши лозим. Назорат қилувчига, бригада аъзоларини назорат қилишдан ташқари, бошқа бирор ишни ўриндошлик йўли билан бажариши ман қилинади. Мабодо, ишбоши иш жойидан вақтинча кетиши зарур бўлиб қолса, унинг ўрнига иш раҳбари, ишга ижозат берувчи ёки наряд бериш ҳуқуқига эга бўлган ходимга берилади, алмаштириш имкони бўлмаса, ишбоши бригадани иш жойидан чиқариб юбориши шарт (тақсимловчи ускуна жойлашган ҳудуддан улар чиқарилиб, ходимлар электр тармоғи таянчидан туширилади, эшиклар қулфланади ва ҳоказо). Ишбоши алмаштирилганда, у нарядни ўз ўрнига вақтинчалик қолдирилган ходимга бериб кетиши керак. 1000 В кучланишгача бўлган электр ускунада фармойиш билан иш бажарилаётган бўлса, ишбошининг қисқа муддатга кетишига рухсат берилади. Бундай пайтда бригаданинг электр хавфсизлиги бўйича гуруҳи ИИИ бўлган бир ёки бир неча аъзолари иш жойида қолиб ишни давом эттиришлари мумкин. 52 Ишбошининг рухсати билан бригада аъзоларидан бири ёки бир нечтаси иш жойларидан вақтинчалик кетишлари мумкин. Бунда, уларни бригада таркибидан чиқариш талаб қилинмайди. 1000 В кучланишдан юқори бўлган электр ускунада иш жойида қолган бригада аъзоларининг сони, ишбоши билан ҳисобланганда икки кишидан кам бўлмаслиги керак. Электр хавфсизлиги бўйича III гуруҳи эга бўлган бригада аъзолари тақсимловчи ускуна жойлашган хонадан мустақил чиқиб, яна иш жойига қайтиб келиши мумкин. I ва II гуруҳга эга бўлган бригада аъзолари эса, фақат III гуруҳга эга бўлган бригада аъзоси ёки электр ускунага якка ўзи кириб чиқиш ҳуқуқига эга бўлган шахс ҳамроҳлигида чиқиб, яна иш жойига қайтиб келишлари мумкин. Тақсимловчи ускуналар жойлашган хонадан чиқиб кетишда эшикни очиқ, қулфламаган ҳолда ташлаб кетиш ман қилинади. Ишга қайтган бригада аъзолари фақат ишбошининг рухсати билан ишга тушишлари мумкин. Агар электр ускуна жойлашган хонани қулфлашни иложи бўлмаса, ишбоши қайтгунига қадар бригада аъзолари иш жойини ташлаб кетишга ҳақлари йўқ. Амалдаги талабларни бузиш ҳоллари аниқланганда ёки ишлаётган ишчилар ҳаётига хавф туғдирувчи ҳолат сезилганда, дарҳол бригада иш жойидан чиқарилиши ва ишбошидан наряд олиб қўйилиши керак. Аниқланган камчиликлар бартараф қилингандан сўнг, биринчи бор ишга ижозат бериш қоидаси талабларини бажарган ҳолда, янгидан ишга қўйиш мумкин.