Ўзбекистон республикаси олий ва ўрта махсус таълим вазирлиги наманган муҳандислик-қурилиш институти

Тадқиқот натижаларининг жорий қилиниши. Биофабрикаларда мум куяси қуртини озиқлантириш ва ундан бракон кўпайтиришда электрокимёвий фаоллаштирилган сувдан фойдаланиш бўйича олиб борилган тадқиқотлар натижалари асосида:
мум куяси қуртини кўпайтиришда электрокимёвий фаоллаштирилган сувдан фойдаланиш усулига Интеллектуал мулк агентлигининг ихтиро патенти (№IAP 05798) олинган. Бунинг натижасида биомаҳсулотлар кўпайтиришда электрокимёвий фаоллаштирилган сувдан фойдаланиш технологияси амалиётга жорий этилди;
электрокимёвий фаоллаштирилган сув асосида тайёрланган озуқаларда кўпайтирилган катта мум куяси қуртларидан олинган браконни кўсак қуртига қарши курашда Наманган вилоятининг Чуст туманидаги Зарафшон, Варзик, Ғалаба ММТП, Наманган туманидаги Пахтаобод ММТП, Мингбулоқ туманидаги Навоий, Наманган, Хоразм ММТП ҳудудларидаги жами 7040 гектар майдонда ва Тўрақўрғон тумани “Қўрғонча оқ олтини” фермер хўжалигининг 35 гектарли пахта майдонларида қўлланилган (Қишлоқ хўжалиги вазирлигининг 2020 йил 21 октябрдаги 02/025-3385-сон маълумотномаси). Натижада назорат вариантига нисбатан 3,2-4,5 ц/га қўшимча ҳосил сақлаб қолишга эришилган;
“Мум куяси қуртини кўпайтиришда электрокимёвий фаоллаштирилган сувдан фойдаланиш усули” бўйича тавсиянома. тасдиқланган (Қишлоқ хўжалиги вазирлигининг 2020 йил 21 октябрдаги 02/025-3385-сон маълумотномаси). Ушбу тавсиянома 2017 йилдан буён Наманган “Биосервис” МЖЧда бракон кўпайтиришда фойдаланилмоқда.
2018 йилда электрокимёвий фаоллаштирилган сув асосида мум куяси қуртини озиқлантириш ва ундан бракон кўпайтириш усулини амалиётга жорий этиш бўйича Андижон вилояти Балиқчи тумани “БИО” хусусий ишлаб чиқариш биофабрикасида тадқиқотлар ўтказилиб, 5 млн. дона бракон ишлаб чиқарилган ва 3000 гектардан ортиқ пахта майдонида кўсак қуртига қарши курашда фойдаланилган (Қишлоқ хўжалиги вазирлигининг 2020 йил
21 октябрдаги 02/025-3385-сон маълумотномаси). Натижада самарадорлик амалдаги усулга нисбатан 19-20% ни ташкил этган.
Тадқиқот натижаларининг апробацияси. Мазкур тадқиқот натижалари 9 та бўлиб, 4 та ҳалқаро ва 5 та республика илмий-амалий анжуманларида муҳокамалардан ўтган. Битта ихтиро учун патент олинган. Ушбу ихтиро энг долзарб ва тижоратлаштиришга энг мақбул патентлар 17 талик рўйхатига киритилган (Ўзбекистон Республикаси Инновацион ривожланиш вазирлигининг 02.09.2020 йилдаги 04-14/3258 сонли хати) ҳамда ишлаб чиқаришга жорий этилган.