Ўзбекистон республикаси олий ва ўрта махсус таълим вазирлиги наманган муҳандислик-педагогика институти

Фан соҳасини формал таснифи. Келтириб ўтилган мавзу академик лицей ва касб-ҳунар 
коллежларида Информатика фани доирасида ўқитилади. Ўқув фанининг долзарблиги ва зарурлиги 
шундан иборатки, ўқувчилар фанни ўзлаштириш давомида профессионал даражадаги билимларни 
ўзлаштириш, Microsoft Office, Ulead Gif Animator, Windows, Macromedia дастурий воситалари каби 
дастурий таъминотлар ва операцион системалар билан ишлаш имкониятига эга бўладилар.
Умумкасбий фанлар таркибидаги Информатика ва АТ фани барча йўналишлар а 
мутахассисликларда бундай дастурлар билан ишлаш жуда муҳим ҳисобланади. Бундай дастурий 
воситаларни яхши билган мутахассис ўз ғояларини илгари суриш, ўз лойиҳаларини ишлаб чиқиш, 
турли таклифномалар, кичик саҳифалар ва тақдимотларни ишлаб чиқиш ва тушунтириш учун жуда 
яхши имкониятларга эга бўлади.
Фанни ўрганиш жараёнида ўқувчилар қуйидаги билимларни эгаллашлари лозим: 

Microsoft Publisher дастури таркиби; 

Microsoft Publisher дастурий тизими техник таъминоти; 

Microsoft Publisher дастурида ишлаш усуллари; 

Microsoft Publisher дастурида ишлаш қоидалари; 

Microsoft Publisher дастурида маълумотларни қайта ишлаш усуллари; 
Фанни ўрганиш жараёнида ўқувчилар қуйидагиларни бажара олишлари лозим: 

Microsoft Publisher дастурини ўрнатиш ва созлаш; 

Microsoft Publisher дастурида ахборотни қайта ишлаш; 

Microsoft Publisher дастурида таклифнома ва биркаларни тайёрлаш; 

Microsoft Publisher дастурида ахборотни қайта ишлаш; 

Кичик саҳифаларни ярата олиш; 

Турли шаблонларни яратиш ва қўллаш. 
Ушбу соҳадаги муаммолар ва мазкур ишнинг зарурати. Битирув малакавий иши мавзусида 
келтирилган муаммо замирида касб-ҳунар коллежи талабаларининг кичик мутахассисларини 
тайёрлаш бўйича давлат таълим стандарти асосида ўқитиладиган умумкасбий фанлар блокидаги 
Информатика ва АТ фанидаги Microsoft Publisher дастури имкониятларини ўрганишда мустақил 
таълим сифатида ўргатувчи электрон қўлланма яратиш ва бу дастур имкониятларини янада кенгроқ 
очиб бериш масаласи ётади. Ушбу муаммони ҳал қилиш орқали талабаларни мавзуни чуқур 
ўзлаштиришлари ҳамда келгусида соҳа бўйича ўз фаолиятларини олиб боришларида махсус 
қўлланма бўлиб хизмат қилиши назарда тутилади. Бугунги кунда ўзбек тилининг лотин алифбосида 
бундай ўқув қўлланма ишлаб чиқилмаган. Шу сабабли бу мавзуни долзарб ҳамда касб-ҳунар 
коллежи талабалари учун муҳим деб ҳисоблаш мумкин.