Ўзбекистон Республикаси Олий ва ўрта махсус таълим вазирлиги Наманган муҳандислик педагогика институти

3. Эскиз, техник лойиҳа. Конструктор вазифаси.
Эскиз лойиҳасини тўзишда қуйидаги ишлар бажарилади; турли вариантларни 
конструктив схемалари тузилади; машинани ишлаш принципини текшириш 
мақсадида, уни макет нусхаларини тайёрлаш ва синаш масалалари хал этилади; 
машинани тайёрлаш технологик жараёни ишлаб чиқилади; бошқа корхоналарда 
тайёрланиши лозим бўлган деталлар, материаллар ва қисмларга оид талаблар, 
навбатдаги бажариладиган ишлар руйхати тузилади. Эскиз лойиҳа техник лойиҳани 
ёки конструкторлик ишчи хужжатларини ишлаб чиқиш учун асос бўлади. 
Техник лойиҳа машинани тузилиши тўғрисида тулик тасаввур берувчи техник 
ечимлардан ва ишчи хужжатларни ишлаб чиқиш учун зарур бўладиган бошланғич 
маълумотлар йиғиндисидан иборат. Техник лойиҳани тўзиш жараёнида машинани 
оптимал варианти тажриба нусхаларини синаш натижаларига асосланиб танланади; 
технологик параметрлари аниқланади; муҳим деталлар мустахкамлик ва пухталикка 
хисобланади; машинани техник топшириқ талабларига мувофиқлиги, тайёрлашни 
қулайлиги ва мураккаблиги, бошқариш усуллари, уни ташиш ва ишлатиладиган 

---

6 
жойда монтаж қилиш ва ишлатиш қулайлиги, таъмирлашни мақсадга мувофиқлиги, 
сотиб олинадиган детал ва материаллар руйхати, деталлар ва узеллар чизмаси ва 
бошқалар тайёрланади. 
Конструкторнинг вазифаси халқ хўжалиги талабларига тўла жавоб 
берадиган, иқтисодий самарали, юқори техник – иқтисодий ва эксплуатацион 
кўрсаткичларга эга бўлган машина яратишдир.
Бош кўрсаткичларга юқори унумли, тежамлилик, мустахкамлик, ишончлилик, 
кичик масса, металл сарфини камлиги, ўлчамлар, қувват сарфи, таъмирлаш 
ишларини хажми ва нархи, хизмат кўрсатишни соддалиги ва хавфсиз-лиги, 
бошқаришни қулайликлари киради. 
Машиналар конструкциясини яратишда техник эстетика талабларини хисобга 
олиш зарур. Машинани ташқи кўриниши бежирим, чиройли бўлиши керак. 
Юқоридаги мезонларни аҳамияти машинанинг функ-ционал мўлжалланишига 
боғлиқдир. 
- 
машина генератор ва энергия кўринишини ўзгарти-рувчи машиналарда 
биринчи уринда сарфланаётган энергияни фойдали энергияга айлантирувчи Ф.И.К. 
катталиги туради; 
- 
машина қуролларда – унумдорлик, ишлов бериш аниқлиги, 
автоматлаштирилганлик даражаси; 
- 
металл кесиш дастгохларида – иш унумдорлиги, ишлов бериш аниқлиги, 
бажариладиган жараёнлар диапазони; 
- 
приборсозликда – сезгирлик, аниқлик, кўрсаткичлар доимийлиги 
(стабильность); 
- 
транспорт техникасида, асосан самолёт ва ракета созликда-конструкцияни 
енгиллиги, двигатель Ф.И.К. юқорилиги (бортдаги ёнилғи запасини камлигига 
боғлиқ холда). 
Машинасозликда иқтисод муҳим аҳамиятга эга бўлиб, конструктор машинани 
лойиҳалашда уни рентабеллиги ва уни бутун иши давомида иқтисодий 
эффективлигини оширишга ҳаракат қилиш керак.