Ўзбекистон республикаси Олий ва ўрта махсус таълим вазирлиги Мирзо Улуғбек номидаги Самарқанд Давлат архитектура-қурилиш институти «Қурилиш материаллари, буюмлари ва конструкцияларини ишлаб чиқариш»

5. Гипсли боғловчи моддаларнинг хоссаларини аниқлаш

лаборатория ишларини бажаришга доир
Услубий кўрсатма

Кириш

Гипсли боғловчилар. Иккисувли табиий гипс тош (CaSO₄2H₂O) ёки сувсиз табиий гипс – ангидриддан (CaSO₄) таркиб топган хом ашёга иссиқлик билан ишлов бериш орқали олинадиган материаллар гипсли боғловчилар дейилади.
Гипсли боғловчиларнинг асосий хом ашёси табии гипс тошидир. Шу билан бирга ҳозирги вақтда халқ хўжалигида таркибида гипс жинси бўлган 50 дан ортиқ гипсли боғловчилар хом ашё манбаини (базасини) кенгайтирувчи кимё саноати чиқиндилари мавжуд. Буларга фосфогипс, борогипс, фторогипс, феррогипс, титаногипс ва бошқаларни мисол тариқасида киритиш мумкин. Булар асосида қурилиш материаллари саноатида турли хил гипс боғловчи моддалар ва қурилиш буюмлари ишлаб чиқариляпди.
Гипсли боғловчилар хом ашёни пишириб олиш ҳароратига қараб икки гуруҳга бўлинади:
1. Паст ҳароратда пишириладиган, буларга а) бинокорлик гипси, б) қолипбоп гипс, в) ниҳоятда мустаҳкам (техникавий) гипс, таркибида гипс бўлган гипсли боғловчи моддалар киради.
2. Юқори ҳароратда пиширилганларга қуйидагилар киради: а) ангидридли боғловчи (ангидрид цемент), б) юқори ҳароратда писирилган гипс (эстрих-гипс).
Бинокорлик гипси – ҳаво боғловчи модда бўлиб, табиий гипс тошини 140-170⁰ С ҳароратда қиздириб олнади. Гипс тоши қиздиришдан олдин ёки кейин туйилиб кукун ҳолатига келтирилади. Бинокорлик гипси қуйидаги кимёвий реакция бўйича олинади:

140-170⁰С

C aSO₄2H₂O CaSO₄0,5H₂O + 1,5 H₂O 

Бинокорлик гипси қоришмалар тайёрлашда, қурилиш буюмлари, плиталари ва панеллари тайёрлашда, меъморчи­лик безаклари ва бошқа турли буюмлар тайёрлашда ишлатилади.
Қолипбоп гипс – бинокорлик гипсидан майда туюнанлиги, мустаҳкамлиги ва доимий таркидга эга бўлганлиги билан фарқ қилади. Қолипбоп гипс қолип тайёрлашда, қурилишда, сопол буюмлари таёерлашда, машинасозликда ва бошқа корхоналарда ишлатилади. Таркибида 96-98% CaSO₄2H₂O бўлган гипс тошни қозонларда пишириб олинади.