Ўзбекистон республикаси Олий ва ўрта махсус таълим вазирлиги Мирзо Улуғбек номидаги Самарқанд Давлат архитектура-қурилиш институти «Қурилиш материаллари, буюмлари ва конструкцияларини ишлаб чиқариш»

4-расм. Қоришма қаттиқлигини аниқлашнинг оддий усули. а) ускунанинг умумий кўриниши; б) – титратгунга қадар қоришма; в) титратгандан кейинги қоришма; 1-конус; 2-қолип; 3-бетон қоришмаси; 4-титратгич.

Стандарт қонуснинг остки туткичлари олинган ва пастки диаметри куб ичига сиғадиган қилиб кичрайтирилган бўлиши керак. Конусни қоришма билан тўлдириш, зичлаш юқорида келтирилган усулдаги каби бажарилади. Конус астагина эҳтиёткорлик билан кўтариб олинади ва бир вақтда титраткич билан секундамер юргизилади. Бетон куб ичида ёйилиб куб бурчакларини тўлдириб горизонтал ҳолатга келгунча титратиш давом эттирилади. Бетон куб ичида ёйилиб горизонтал ҳолатга келгунча кетган вақтни 0,7 коэффициентга кўпайтириб бетон қоришмасининг қаттиқлиги аниқланади.

Назорат саволлари

1. Бетон таркибини аниқлаш кетмакетлигини тушунтиринг

2. Бетон қоришмасининг ҳаракатчанлиги стандарт кесик конус ёрдамида қандай аниқланади?
3. Бетон қоришманинг қаттиқлигини аниқлаш усуллари

20- маъруза. Бетоннинг махсус турлари. Енгил бетонлар

Режа:
1. Бетоннинг махсус турлари Гидротехник бетон, кислотага чидамли бетон.
2. Енгил бетонлар учун хом ашё.
3. Енгил бетионларнинг турлари ва хоссалари.
4. Жуда (ўта) енгил бетонлар. Газбетон, кўпикбетон.


Гидротехник бетон. Мунтазам ёки вақти-вақти билан сув таъсирида бўладиган иншоотларни қуришда ишлатиладиган бетонга гидротехник бетон дейилади. Ишлатилишига қараб, гидротехник иншоотлар ва ундаги конструктив қисмлар учун 100 дан 250 гача, сувнинг ишқаланиш таъсирида бўлган қисмлар учун эса 300–500 маркали гидротехник бетонлар ишлатилади. Гидротехник иншоотлар учун бетоннинг совуққа чидамлилик маркаси Сч 50, Сч 100, Сч 150, Сч 200, Сч 300 бўлиши керак.
Сув ўтказмаслик даражасига кўра гидротехник бетон С-4, С-6, С-8 каби маркаЛарга бўлинади. Сув ости гидротехник иншоотларини бетонлашда боғловчи сифатида пуццолан портландцемент ёки тошқол портландцемент, шунингдек, таркибида уч кальцийли алюминат миқдори кам бўлган портландцемент ишлатилади. Агар сув бетон учун зарарли бўлган тузлар билан тўйинган бўлса, у ҳолда боғловчи сифатида сульфатга чидамли цемент ишлатилади. Тўлдиргич сифатида гидротехник бетон учун чақиқ гранит тоши, оҳак-тош, зич пемза каби жинслардан фойдаланилади.