Ўзбекистон республикаси олий ва ўрта махсус таълим вазирлиги мирзо улуғбек номли ўзбекистон

 
8-§. Ҳуқуқ ижтимоий норма 
Жамиятда нормаларнинг икки тизими мавжуд: техникавий ва ижтимоий. Техникавий 
нормалар «инсон-машина» муносабатларини тартибга солади. Агар техникавий нормалар 
бажарилмаса, Чернобиль атом электр станциясидаги каби фалокат содир бўлиши мумкин. 
Ижтимоий нормалар — одамлар ва уларнинг бирлашмалари ўртасидаги муносабатларни тартибга 
солувчи умумий хулқ-атвор қоидалари бўлиб, улар «инсон-инсон» муносабатларини тартибга 
солади. Ижтимоий нормаларнинг турларига қуйидагилар киради: ахлоқ нормалари, жамоат 
бирлашмалари нормалари, миллий урф-одатлар, халқларнинг одатлари, анъана нормалари, сиёсий 
ҳаёт нормалари, ҳуқуқ нормалари, диний нормалар. 
Ахлоқ нормалари — эзгулик ва ёвузлик, шаън, қадр-қиммат, адолат ва ноҳақлик, бурч ва 
масъулият ҳақидаги ахлоқий тушунчаларга мувофиқ равишда жамиятда ўрнатилган хулқ-атвор 
қоидалари. 
Жамоат бирлашмаларининг нормалари — жамоат бирлашмаларининг ўз фаолиятини 
тартибга солиш ва ташкилотларнинг аъзолари ўртасидаги муносабатларни аниқлаш учун ўрнатган 
хулқ-атвор қоидалари. 
Одат нормалари — кишиларнинг кўп марта такрорланганлиги учун одатга айланган ва шу 
тариқа авлоддан-авлодга ўтиб келаётган хулқ-атвор қоидалари. 
Анъана нормалари — илғор анъаналарни асраш муносабати билан юзага келган умумлашган 
ва барқарор хулқ-атвор қойдалари. 
Маросим нормалари — кишиларнинг маълум расм-русумларни бажаришдаги хулқ-автор 
қоидалари. 
Диний нормалар — диндорларнинг худога, мачитга, черковга, бир-бирига муносабатини, 
диний бирлашмаларни ташкил қилиш ва уларнинг амал қилиши-ни тартибга солувчи хулқ-атвор 
қоидалари. 
Сиёсий нормалар — алоҳида шахслар ва сиёсий бирлашмаларнинг ҳокимиятга муносабати 
масалаларини тартибга солувчи хулқ-атвор қоидалари. 
Ҳуқуқ нормалари — давлат томонидан белгиланадиган умуммажбурий хулқ-атвор қоидалари. 
Табиийки, ижтимоий нормаларнинг мазкур рўйхати тўлиқ эмас. 
Ҳуқуқ нормаларининг бошқа ижтимоий нормалардан фарқини ҳуқуқ норма-лари ва ахлоқ 
нормаларини таққослаш орқали кўрсатиб берамиз.