Ўзбекистон республикаси олий ва ўрта махсус таълим вазирлиги мирзо улуғбек номидаги ўзбекистон миллий университети математика факультети «Математик моделлаштириш ва криптоанализ»

§8.11. Nidxem-Shreder protokoli.
Ushbu protokol A abonentni aldash maqsadida eski ma’lumotlarni takroran uzatish asosidagi hujumga to’sqinlik qiladi. Protokoldagi ixtiyoriy ma’lumotni qabul qilgan shaxs olingan ma’lumotni kutilayotgan ma’lumotga mosligini tekshirib ko’rishi lozim. Agar protokolni bajarilish vaqtida biror bir ziddiyatga duch kelinsa, u holda bu protokolni bajarilishini to’xtatish lozim va bu haqida boshqa ishtirokchilarga ham ma’lum qilishi kerak.
Protokol quyidagi tartibda amalga oshiriladi:

1. 
   A→T: A, B, R_A;
   
2. 
   T→A: E_A(R_A, B, K, E_B(K,A));
   
3. 
   A→B: E_B(K, A);
   
4. 
   B→A: E_K(R_B);
   
5. 
   A→B: E_K(R_B—1).
   

2-3 qadamlarda A abonent K kalit bilan shifrlangan xabardan E_B(K, A) xabarni olib, uni B abonentga uzatish natijasida B abonent tomonidan autentifikasiyalanadi.
B abonent A abonent tomonidan autentifikasiyalanmaydi. Buzg’unchi o’zini A abonent sifatida namoyon qilib, 4-qadamda ixtiyoriy tasodifiy sonni B abonentga jo’natishi mumkin. Ammo, bu unga hech narsa bermaydi, chunki u maxfiy kalitni bilmaydi.
4-5 qadamlar B abonentga A abonent ham o’zi qabul qilgan aynan K kalitni olganligini tasdiqlaydi. Ammo, buzg’unchi o’zini A abonent sifatida namoyon qilib, B abonentga eski K´ kalitni taqdim qilishi mumkin. Haqiqatan ham protokolda B va T bevosita muloqat qilishmaydi. Shu sababli M (buzg’unchi) 3-qadamdan boshlab B abonent bilan muloqat qilishni boshlaydi:
M(A nomidan)→B: E_B(K’,A);
(Ushbu xabarni A abonent B abonentga eski K´ kalitni jo’natgan vaqtida tutib olgan edi.) B abonent qabul qilingan kalit oldin ishlatilgan yoki ishlatilmaganligini tekshirmasa, u holda B uni to’g’ri kalit sifatida qabul qiladi va A abonentga xabar jo’natadi:
4. B→A: E_K’(R_B);
B abonent tomonidan g’alati xabarlar kelayotgani haqida A abonent T markazga xabar qilmasligi uchun M buzg’unchi B abonent tomonidan A abonentga jo’natilayotgan barcha xabarlarni blokirovka qilishi lozim bo’ladi.

5.