Ўзбекистон Республикаси Олий ва ўрта махсус таълим вазирлиги Мирзо Улуғбек номидаги Ўзбекистон Миллий Университети

154-масала. Фараз қилайлик, сули ўсимлигида дон массаси уч жуфт аллел бўлмаган генларга (A₁, A₂ ва A₃) боғлиқ. Унинг битта гомозиготали нави 4 г, иккинчиси эса 10 г дон берса, уларни чатиштирилганда олинган F₁ ва F₂ ўсимликларида дон массаси қанчадан бўлади?


155-масала. Маккажўхори ўсимлигида поянинг узунлиги тўрт жуфт полимер ген орқали белгиланади. Шу генларнинг генотипда рецессив ҳолатда бўлиши поя узунлигининг 40 см бўлишини, уларнинг доминант гомозигота ҳолатда бўлиши эса 320 см бўлишини таъминлайди. Қуйидаги генотипга эга жўхори ўсимликлари чатиштирилса, ота-она ўсимликларнинг ҳамда F₁ ва F₂ да олинган ўсимликлар бўйининг ўртача узунлигини аниқланг: A₁A₁A₂A₂A₃A₃a₄a₄ x a₁a₁a₂a₂a₃a₃A₄A_4.


156-масала*. Одамларда терининг қора ранги уч жуфт доминант ноаллел генлар томонидан, оқ ранги эса уч жуфт рецессив аллеллар томонидан бошқарилади. Бу полимер генлар кумулятив эффектга эга. Агар қора рангли африкалик негр европалик қизга уйланса, уларнинг оиласида туғиладиган болалар – мулатларнинг тери ранги жигарранг бўлади.
оқ танли негр, қора танли
P ♀ a₁a₁a₂a₂a₃a₃ X ♂ A₁A₁A₂A₂A₃A₃
g a₁a₂a₃ A₁A₂A₃
F₁ A₁a₁A₂a₂A₃a₃ – мулат, териси жигарранг.
Агар шундай мулат йигит оқ танли қизга уйланса, уларнинг болаларида тери ранги қандай бўлади?
Масаланинг ечилиши:
оқ танли негр, қора танли
P ♀ a₁a₁a₂a₂a₃a₃ X ♂ A₁a₁A₂a₂A₃a₃
g a₁a₂a₃ A₁A₂A₃, A₁A₂a₃, A₁a₂A₃, a₁A₂A₃,
A₁a₂a₃, a₁A₂a₃, a₁a₂A₃, a₁a₂a₃
F₂ A₁a₁A₂a₂A₃a₃ – мулат, териси жигарранг
A₁a₁A₂a₂a₃a₃ - териси оч жигарранг
A₁a₁a₂a₂A₃a₃ - териси оч жигарранг
a₁a₁A₂a₂A₃a₃ - териси оч жигарранг
A₁a₁a₂a₂a₃a₃ - териси буғдой ранг
a₁a₁A₂a₂a₃a₃ - териси буғдой ранг
a₁a₁a₂a₂A₃a₃ - териси буғдой ранг
a₁a₁a₂a₂a₃a₃ - териси оқ ранг.