Ўзбекистон Республикаси Олий ва ўрта махсус таълим вазирлиги Мирзо Улуғбек номидаги Ўзбекистон Миллий Университети

103-масала. Гулсимон тожли товуқлар ёнғоқсимон тожли хўроз билан чатиштирилди. Биринчи авлодда 3/8 қисм ёнғоқсимон тожли, 3/8 қисм гулсимон тожли, 1/8 қисм нўхатсимон тожли, 1/8 қисм оддий тожли паррандалар олинди. Ота-она ва авлодларнинг генотипини аниқланг.


104-масала. Гулсимон ва нўхатсимон тожли паррандалар ўзаро чатиштирилиб, кейинги авлодда 6 та ёнғоқсимон тожли ва 5 та гулсимон тожли жўжалар олинди. Ота-она генотипларини аниқланг.


105-масала*. Ёнғоқсимон тожли товуқлар гулсимон тожли хўрозлар билан чатиштирилиб, кейинги авлодда 4 та баргсимон тожли, 5 та нўхатсимон тожли, 13 та гулсимон тожли ва 12 та ёнғоқсимон тожли индивидлар олинди. Бошланғич ота-она паррандалар ва авлодларнинг генотипини аниқланг. Олинган натижаларни χ² методи ёрдамида текширинг.
Масаланинг ечилиши:
Кейинги авлодда ҳар икки ген бўйича рецессив гомозиготали (aabb) парранданинг бўлиши бошланғич товуқ ва хўрозларнинг генотипларида бу генларнинг рецессив аллеллари иштирок этишидан дарак беради.
ёнғоқсимон тож гулсимон тож
P ♀ AaBb X ♂ Aabb
g AB, Ab, aB,ab Ab, ab
F₁ AABb - ёнғоқсимон тож
Aabb - гулсимон тож
AaBb - ёнғоқсимон тож
Aabb - гулсимон тож
AaBb - ёнғоқсимон тож
Aabb - гулсимон тож
aaBb - нўхатсимон тож
aabb - баргсимон тож
ёнғоқсимон тожли паррандалар - 3/8 қисм
гулсимон тожли паррандалар - 3/8 қисм
нўхатсимон тожли паррандалар - 1/8 қисм
баргсимон тожли паррандалар - 1/8 қисм
Олинган натижаларни χ² (хи-квадрат) методи ёрдами билан текширамиз:

Материал	n	Ёнғоқсимон Тож	Гулсимон Тож	Нўхатсимон тож	Баргсимон тож
Олинган фактик Сон	34	12	13	5	4
Назарий кутилган сон (3:3:1:1) нисбатда	34	12,75	12,75	4,25	4,25
Фарқ (d)	0	- 0,75	+ 0,25	+ 0,75	- 0,25
d^2		0,5625	0,0625	0,5625	0,0625
d^2 / q		0,044	0,004	0,132	0,014
Σ χ^2=d^2/q		0,194

P = 0,99 - 0,95
P нинг қиймати 3:3:1:1 нисбатда олинган фактик сонларнинг назарий кутилган сонларга мос келишини кўрсатади.