Ўзбекистон республикаси олий ва ўрта махсус таълим вазирлиги мирзо улуғбек номидаги ўзбекистон

3. Иқтисодиёт, молия ва бухгалтерия ҳисоби бошқармаси
ходимларининг функционал вазифалари


3.1. Иқтисодиёт, молия ва бухгалтерия ҳисоби бошқармаси бошлиғи:
бошқарма фаолиятига раҳбарлик қилади, бошқарма штат бирликларининг малакали калдрлар билан бутлигини таъминлайди, бошқармада ходимларнинг функционал вазифаларини тақсимлайди ва уларнинг ижро этилишини назорат қилади ҳамда меҳнат интизомини таъминлайди;
бошқарма ишларини бошқарма зиммасига юклатилган вазифаларга мувофиқ ташкил қилади, бошқарма ходимлари хизмат вазифаларининг ижро этилишини таъминлайди, қўмита раҳбариятига рағбатлантириш ёки ишдаги нуқсонлар ва меҳнат интизомини бузганлик учун маъмурий жазо чораларини кўриш бўйича таклифлар киритади;
вилоят ер ресурслари ва давлат кадастри бошқармалари, шунингдек “Ергеодезкадастр” давлат қўмитаси тизими бўлинмалари фаолиятига ишларни молиялаштириш ҳамда бухгалтерия ҳисоби масалалари бўйича умуммий раҳбарлик қилади;
“Ергеодезкадастр” давлат қўмитаси марказий аппарати ва унинг ҳудудий бошқамаларининг штат жадваллари ҳамда ҳаражатлар моддалари бўйича харажатлар сметаларини ишлаб чиқиш ишларини ташкил қилади, уларни тегишли молия органларида келишувдан ўтказади ва белгиланган тартибда молиялаштирилишини таъминлайди;
“Ергеодезкадастр” давлат қўмитаси марказий аппарати ва тузилмавий бўлинмалари ходимлари тариф разрядлари ва коэффициентларининг тасдиқланган ягона тариф классификаторларига мувофиқлигини таъминлайди;
марказий аппаратда бухгалтерия ҳисоби ва ҳисоботининг амалдаги қоидаларга мувофиқ юритилишини, бухгалтерия ҳамда статистика ҳисоботларининг мақсад бўйича тузилиши ва ўз вақтида тақдим этилишини таъминлайди;
тузилмавий бўлинмаларга ҳисоб ва ҳисобот ишларини тўғри йўлга қўйиш борасида амалий ёрдам кўрсатади, қўмита фаолиятининг турлари бўйича жамлама ҳисобот тузишни ташкил қилади;
қўмита марказий аппаратида ва унинг тузилмавий бўлинмаларида асосий фондлар ҳамда моддий бойликларнинг сақланиши устидан назорат олиб борилишини ташкил қилади;
перспектив ва йиллик молиявий режалар ҳамда инвестицион дастурлар лойиҳаларининг ишлаб чиқилишига, тасдиқланган кўрсаткичларнинг корхоналарга етказиб турилишига раҳбарлик қилади, қўмитанинг барча турдаги кредитларга бўлган талабини, бўлинмаларни қайта жиҳозлаш ва реконструкция қилиш манбаларини белгилайди;
инвестицион дастурларга киритилган адрес рўйхатларини ва ички таркибий объектларини ишлаб чиқиш ҳамда республика органларида келишувдан ўтказишда иштирок этади. Амалдаги қоидалар ва Ҳукумат қарорларига мувофиқ ускуналарни ташкилотлар бўйича етказиб бериш ҳамда кўрсатилган дастурларнинг ишлаб чиқаришга жорий этиш бўйича оптимал вариантлар танлашни ташкил қилади;
“Ергеодезкадастр” давлат қўмитасининг буюртмаси бўйича пудратчи ташкилотлар билан шартномалар тузишни, бажарилган ишлар учун рамийлаштирилган ҳужжатларга мувофиқ ҳисоб-китоблар олиб боришни ташкил қилади;
“Ергеодезкадастр” давлат қўмитасининг фаолияти бўйича йиллик ҳисобот тузишда, ҳукумат қарорлари, фармойишлари ва бошқа норматив ҳужжатлари лойиҳаларини ишлаб чиқишда, бошқарма ваколатлари доирасига кирадиган масалалар бўйича буйруқлар, фармойишлар, хатлар, низомлар ҳамда кўрсатмаларни тайёрлашда иштирок этади.