Ўзбекистон республикаси олий ва ўрта махсус таълим вазирлиги мирзо улуғбек номидаги ўзбекистон

Умар Шайх Мирзо 
Умар Шайх Мирзо Амир Темурнинг 2-ўғли бўлиб 1356 йилда туғилган. 
Умар Шайх Мирзонингонаси Тўлин Оғодир. 
Умар Шайх Мирзо ҳарбий ишларга иқтидори юксак бўлиб, моҳир чавандоз ва 
толмас жангчи бўлган. Шу боис бўлса керак, унинг жанговарлик фаолияти 
ҳақида кўпгина нақл ва ривоятлар ёзиб қолдирилган. 
1370 йилда соҳибқирон Амир Темурнинг Ҳусайн ибн Мусаллабга қарши 
олиб борган жангида 15 ёшли Умар Шайх Мирзо алоҳида жанговарлик 
намунасини кўрсатган. Шунингдек, у Фарғонада мўғулларга қарши кўпгина 
жангларда иштирок этади. У ўзининг мардлиги билан соҳибқирон қўшинида 
устувор саркарда бўлган. 
Умар Шайх Мирзо Сиржон қалъасини муҳосара қилиш ишини амир 
Идигу барлосга топшириб, ўзи Шерозга келади. Шерозда ишончли кишилардан 
амир Санжақ ҳузурига келиб, уни форс мамлакатларини забт қилиш ишига 
мутассади қилиб, сўнгра отаси соҳибқироннинг ҳузурига жўнайди. Умар Шайх 
Мирзо Курдистондан ўтиб бораётганда, йўл чеккасидаги Ҳармоту қалъасига кўзи 
тушади. Қалъани яқинроқдан томоша қилиш ниятида бир тепаликка чиқиб, қалъа 
томон назар ташлайди. Шу пайт қалъа ичидан отилган ногаҳоний
ўқ Мирзонинг қулоғи тагидаги кўк томирига келиб тегади ва Умар Шайх Мирзо 
шу заҳотижон беради.
Умар Шайх Мирзо жасадини аввал Шерозга муваққад дафн қиладилар.
Кейинчалик марҳум Умар Шайх Мирзонинг хотинлари Севинч Қутлуғ Оғо 
бегим, Бека Мулк Оғо бегим ва Мулкат Оғо бегимлар ҳамда ҳали вояга етмаган 
(сағир) ўғли Искандар Мирзолар жасадни Шероздан Кешга (Шаҳрисабз) олиб 
келадилар ва темурийлар хонадони учун махсус қурилган дахмага дафн қиладилар.
Марҳум Умар Шайх Мирзодан олти ўғил қолади. Уларнинг каттаси Пир 
Муҳаммад Мирзо 16 ёшда эди. Ундан кейингилари Рустам Мирзо, Искандар 
Мирзо, Аҳмад Мирзо, Саиди Аҳмад Мирзо ва Бойқаро Мирзолар эди. Амир Темур 
Форс мамлакатининг ҳукмдорлигини 16 ёшли Пир Муҳаммад Мирзога 

---

топширади.
1