Ўзбекистон республикаси олий ва ўрта махсус таълим вазирлиги жиззах давлат педагогика университети

IV. ТОМОНЛАРНИНГ МАЖБУРИЯТЛАРИ:
4.1. Жўнатувчи муассаса зиммасидаги мажбуриятлар:
Қабул қилувчи муассаса ва Талабага таълим йўналиши бўйича академик мобиллик дастури ўтказиладиган ўқув семестри (ўқув йили) бўйича фан каталоги ҳамда Келишув лойиҳасини тақдим этиш;
томонлар иштирокида Келишувни расмийлаштириш;
Талабани Қабул қилувчи муассасага академик мобиллик дастурида иштирок этишига рухсат бериш тўғрисидаги муассаса буйруғини қабул қилиш;
Талабага белгиланган шаклдаги транскрипт ва йўлланма хати тақдим этиш;
мобиллик даврида Талабанинг ўзлаштирган (тўлиқ ёки қисман) кредитларини, шу жумладан, Қабул қилувчи муассасада ўқитиладиган танлов фанлари бўйича кредитларни ҳам тан олиш ҳамда уларни келгусида Талабанинг олий таълим дастурини ўзлаштирганлиги бўйича ҳужжатларга киритиш;
Талабанинг мобиллик даврида тўпланган кредитлар миқдоридан келиб чиққан ҳолда амалдаги тартиб-қоидалар асосида уни кейинги курсга ўтказиш ёки курсда қолдиришни белгилаш ҳамда бу борадаги жавобгарликни тўлиқ ўз зиммасига олиш;
қонунчиликда белгиланган бошқа мажбуриятлар.


4.2. Қабул қилувчи муассаса зиммасидаги мажбуриятлар:
мобиллик дастури бўйича режалаштирилган таълим элементларини ўзлаштириш учун Талабани белгиланган шакл асосида рўйхатдан ўтказиш ва ректор буйруғи билан расмийлаштириш;
ректор буйруғида Талабанинг академик мобиллик даврида иштирок этиши кўзда тутилган ўқув дастурлари, ўзлаштириши лозим бўлган таълим элементларини кўрсатиш;
академик мобиллик даврида Талаба томонидан таълим элементларини ўзлаштириш учун зарур имкониятлар яратиш, шу жумладан, адаптацион тадбирларни ташкил этиш;
Талабага академик мобиллик дастурларида бепул иштирок этишига, ахборот-ресурс маркази ва таълимга оид бошқа моддий-техник базасидан бепул фойдаланишга шароит яратиш;
Талабага академик мобиллик даврида яшаш жойи ва бошқа маиший муаммоларни ҳал қилишига ёрдам кўрсатиш;
академик мобиллик дастури якунида Жўнатувчи муассасага Талабанинг таълим элементларини ўзлаштирганлигини тасдиқловчи ва таълим олиш натижалари кўрсатилган таълим тўғрисидаги маълумотнома тақдим этиш;
қонунчиликда белгиланган бошқа мажбуриятлар.