Ўзбекистон республикаси олий ва ўрта махсус таълим вазирлиги жиззах давлат педагогика университети

III. АКАДЕМИК МОБИЛЛИКНИНГ ТАШКИЛИЙ ШАРТЛАРИ
3.1. Академик мобилликни таъминлаш, кредитларнинг тан олиниши, таълим олиш натижаларини акс эттириш ҳамда олий таълим муассасалари ўртасида кўчириб ўтказиш учун қуйидаги ҳужжатлар асос ҳисобланади:

• 
  фанлар каталоги;
  
• 
  белгиланган шаклдаги таълим тўғрисидаги келишув ва маълумотнома.
  

Фанлар каталоги – олий таълим муассасаси тавсифи, кредит-модуль тизимига кириш, тегишли бакалавриат таълим йўналиши ва магистратура мутахассислиги, хизматлар ва ресурслар, ўқув фанлари дастурлари, аниқ таълим дастурлари элементлари тавсифи тўғрисидаги ҳужжат.
Таълим тўғрисидаги келишув – академик мобилликни ташкил этиш, унинг иштирокчилари томонидан академик мобиллик даврида белгиланган таълим элементлари (назарий таълим машғулотлари, курс иш, малакавий амалиёт, мустақил таълим, аттестациялар ва бошқ.)ни ўзлаштириш шартлари ҳамда натижалар бўйича кредитларни тан олиш тартибларни белгиловчи ҳамда уни имзоловчи томонларга муайян ҳуқуқ ва мажбуриятлар юкловчи ҳуқуқий ҳужжат.
Таълим тўғрисидаги маълумотнома – академик мобиллик даврида талаба томонидан таълим элементларини ўзлаштириш натижалари, тўплаган кредит миқдори, баҳолаш тизимини акс эттирувчи ҳужжат.
3.2. Талаба томонидан ўзлаштириладиган таълим элементлари тўплами Жўнатувчи ва Қабул қилувчи муассасалар таълим дастурларига мазкур Келишувга илова қилинадиган таълим йўналиши фанлар каталоги доирасида интеграцияланади ва улардан ташқарида бўлиши мумкин эмас.
3.3. Талаба томонидан академик мобиллик даврида Қабул қилувчи муассасада ўзлаштирилган таълим элементлари бўйича тўпланган кредитлар Жўнатувчи муассасадаги таълим олиш натижаларига мувофиқ ўзлаштириладиган кредитлар миқдорига тенг ҳисобланади.
3.4. Талабанинг академик мобиллик даврида ўзлаштирилиши белгиланган таълим элементлари Жўнатувчи олий таълим муассасаси томонидан тақдим этилган Фанлар каталоги ва таълим йўналиши ўқув режаси асосида белгиланади.
3.5. Жўнатувчи олий таълим муассасасининг розилигисиз ва у билан келишмасдан Талабанинг академик мобиллик даврида ўзлаштирилиши белгиланган таълим элементларини ўзгартиришга йўл қўйилмайди.
3.6. Мазкур Келишувнинг амал қилиш муддати ва ташкил этиладиган академик мобиллик дастури давомийлиги бир семестр, 2022/2023 ўқув йили кузги семестридан иборат бўлиб, 2022 йилнинг 5 сентябридан, 2023 йилнинг 21 январига қадар давом этади.