Ўзбекистон республикаси олий ва ўрта махсус таълим вазирлиги ж. М.Қурбонов, З. Э. Мамарасулов

Карантин – 
юқумли касалликларнинг тарқалиб кетишига йўл қўймаслик 
ва зарарланиш ўчоғини бартараф этишга қаратилган қатъий тартиб – қоидалар, 
эпидемияга қарши маъмурий ва санитария чора-тадбирлари мажмуидир. Бунда 
заруратга қараб, зарарланиш ўчоғини ўраб олишни ташкил этишда, ҳатто 
қуролланган махсус кучлардан ҳам фойдаланиш мумкин. Бу деган сўз 
зарарланиш ўчоғига кириш, у ердан чиқиш қатъиян ман қилинади. Корхоналар 
ва ишлаб чиқариш фаолиятини давом эттираѐтган муассасаларда эпидемияга 
қарши тегишли иш тартиби ўрнатилади. 
Беморлар билан машғул бўлган тиббиѐт ходимлари махсус муҳофазавий 
ҳимоя воситалари: комбинезон, капюшон, бурун ва оғизга тутиб, боғлаб 
оладиган пахта – дока боғлам, алоҳида кўзойнак, резина қўлқоп ва халат кийиб 
ишланади. 
Лаборатория 
текширувлари 
натижасида 
зарарланиш 
ўчоғидаги 
одамлардан ўта хавфли юқумли касаллик (вабо, ўлат, куйдирги ва б)ларнинг 
қўзғатувчилари топилмаса, шунингдек, оммавий тусда касалликларнинг 
тарқалиб кетиш хавфи бўлмаса, карантин ҳолати обсервация билан 
алмаштирилади. 
Обсервация
– зарарланиш ўчоғида бўлган одамлар устидан қатъий 
тиббий назорат ўрнатиш, уларнинг сиҳат – саломатлигини белгиланган вақт 
мобайнида кузатиш, тегишли даволаш, муҳофазавий тадбирларни ўтказишни
кўзда тутган тадбирлар мажмуидир. 
Карантин ва обсервация муддати касалликнинг охирги бемор ажратиб 
қўйилагани ва зарарланиш ўчоғидаги зарарсизлантириш ишлари томомила 
тугатилган вақтдан бошлаб, ҳисобланадиган максимал даражадаги яширин 
даврга қараб белгиланади. 
Табиийки, юқумли касалликларга қарши курашда дизенфекция, 
дизинсекция ва дератизациянинг аҳамияти ниҳоятда катта ва беқиѐсдир. 
Дезинфекция
ѐки юқумсизлантириш – одам яшаб турган муҳитда 
юқумли касалликларнинг қўзғатувчиларини йўқотишга қаратилган махсус 
чора-тадбирлар мажмуидир.