Ўзбекистон республикаси олий ва ўрта махсус таълим вазирлиги ислом каримов номидаги тошкент давлат техника университети «Электроника ва автоматика»

9	9	3	4	0	4	7	8
7
Жуфт		0	+	8	+	9	+	4	+	4	+	8	=33
Тоқ	4	+	1	+	9	+	3	+	0	+	7		=24

Тоқ қатордаги сонлар қўшилади :

Тоқ ва жуфт қатордаги сонлар йиғиндиси қўшилади. (33*3)+24=123

130 -123=7

Олинган натижа назорат сонига тўғри келади.



Назорат саволлар:

1. Штрих код ва штрих кодлашга изох беринг?

2. 
   Қандай штрих кодлар жорий қилинган?
   
3. 
   Ўзбекистон Республикасида қандай штирх код жорий қилинган?
   
4. 
   Штрих кодлашнинг қонуний асослари.
   
5. 
   Штрихли кодлаш деганда нималарни тушунасиз?
   
6. 
   Қандай мақсулотларга нисбатан штрихли код қўлланиши керак?
   

5-Амалий машғулот

Стандартларни ишлаб чиқиш, тасдиқлаш ва тадбиқ этиш
тартиб-қоидалари


Режа:

1. Стандартларни ишлаб чиқиш тартиби.

2. Техникавий топшириқ ишлаб чиқиш ва тасдиқлаш.
3. Стандарт лойиҳасини ишлаб чиқиш (биринчи таҳрири) ва уни фикр мулоҳазалар олиш учун юбориш.
4. Фикр - мулоҳазалар устида ишлаш, стандарт лойиҳасини (охирги таҳририни) ишлаб чиқиш, келишиш ва тасдиқлашга тақдим этиш.
5. Стандартни тасдиқлаш ва давлат рўйхатидан ўтказиш.


Таянч сўзлар: стандарт лойиҳаси, техник қўмита, ишчи гуруҳ, таянч ташкилотлар, ишлаб чиқувчи ташкилот.
Замонавий педагогик технология элементларидан, масалан интерактив методини қўллаб дарс ўтилади.
Дарсда техник восита ва кўргазмали қуроллардан кенг фойдаланилади (кодоскоп, проектор, плакат ва ҳоказо).
Талабалар тарқатма материаллар билан таъминланадилар.
Талабалар мустақил фикрлаши учун тўла шароит яратилади.

Стандартларни ишлаб чиқиш, тасдиқлаш ва тадбиқ

этиш тартиб-қоидалари

O’zDSt 1.1-92 “Ўзбекистон Республикасининг стандартлаштириш давлат тизими. Ўзбекистон Республикасининг стандартини ишлаб чиқиш, келишиб олиш, тасдиқлаш ва рўйхатдан ўтказиш тартиби” тўғрисидаги стандартга биноан Ўзбекистон Республикаси стандарти (бундан кейин - стандарт деб юритилади) стандартлаштириш бўйича техникавий қўмиталар (бундан кейин ТҚ), стандартлаштириш бўйича таянч ташкилотлар, вазирликлар, идоралар, уюшмалар, концернлар, қўшма корхоналар, муассасалар ва ташкилотлар томонидан ишлаб чиқилади.

Стандартни ишлаб чиқишга ҳар хил ташкилот мутахассисларининг ишчи гуруҳлари иштирок этишига йўл қўйилади.
Стандартнинг бир нечта ташкилот томонидан ишлаб чиқилишида етакчи ишлаб чиқувчи ташкилот (ижрочилар рўйхатида биринчи ўринда туради) ҳамкорликда иш бажарувчи ҳар бир ташкилот билан иш кўламини ва муддатларини аниқлайди.
Стандарт республика ҳудудида кимга қарашли эканлиги ва мулк шаклидан қатъий назар, стандарт ишлаб чиқилган ташкилотларни чиқарадиган ва истеъмол қиладиган ҳамма корхона ва ташкилотлар учун мажбурийдир.
Стандартга киритиладиган ўзгариш асосий стандарт учун белгиланган тартибда мажбурий келишиб олиниши, тасдиқланиши ва рўйхатдан ўтказилиши лозим.
Стандартларнинг тузилиши, мазмуни, баён этилиши ва расмийлаштирилиши O’zDSt 1.6 га мувофиқ бажарилади.
Стандартларни ишлаб чиқиш тартиби
Стандартни ишлаб чиқишда ташкилий-усулий бирликка эришиш мақсадида ҳамда стандартни ишлаб чиқиш босқичлари бажарилишини назорат қилиш учун 4 босқич жорий этилади.
1-босқич - зарурият туғилганда стандартни ишлаб чиқишда техникавий топшириқ ишлаб чиқилади ва тасдиқланади;
2-босқич - стандарт лойиҳасини ишлаб чиқиш (биринчи таҳрири) ва уни фикр мулоҳазалар олиш учун юбориш;
3-босқич - фикр - мулоҳазалар устида ишлаш, стандарт лойиҳасини (охирги таҳририни) ишлаб чиқиш, келишиш ва тасдиқлашга тақдим этиш;
4-босқич - стандартни тасдиқлаш ва давлат рўйхатидан ўтказиш.
Стандартларни ишлаб чиқиш босқичларини бир-бири билан қўшиб олиб боришга йўл қўйилади.