Ўзбекистон республикаси олий ва ўрта махсус таълим вазирлиги ислом каримов номидаги тошкент давлат техника университети термиз филиали

3. Корхонани ташкил қилиш ва рўйхатдан ўтиш тартиби.

Илгари корхона жойлашган манзилгоҳи бўйича давлат органларида рўйхатга олинган кундан бошлаб ташкил қилинган ҳисобланади. Бу вазифани асосан ҳокимиятлар бажариб, улар корхонани рўйхатга олиш тўғрисидаги
малумотларни 10 кун мобайнида Молия Вазирлигига ягона давлат реестрига
киритиш учун тақдим этишлари шарт бўлган.
Давлат рўйхатидан ўтиш учун корхонани ташкил қилиш тўғрисидаги
қарор, корхона Низоми (таъсис шартномаси) ва Вазирлар Маҳкамаси
томонидан белгилаб берилувчи рўйхатдаги бошқа ҳужжатлар тақдим этилади. Корхонани давлат томонидан рўйхатга олиш зарур ҳужжатлар илова қилинган ариза берилган кундан бошлаб 30 кун мобайнида амалга оширилиш лозим. Корхоналарни рўйхатга олишдан, уларни ташкил қилиш мақсадга мувофиқ эмас, деган сабаб билан бош тортишга йўл қўйилмайди.
Агар корхонани рўйхатга олиш ўз вақтида амалга оширилмаса ёки
таъсисчи рўйхатга олинмаслик сабабларини асоссиз деб ҳисоблаган тақдирда
таъсисчи судга мурожаат қилиши мумкин. Корхонани рўйхатга олишдан
асоссиз равишда бош тортиш маҳаллий ҳокимият органларининг моддий
жавобгарликка тортилишига олиб келиши мумкин. Корхонани рўйхатга олиш учун қуйидаги ҳужжатлар талаб қиланарди:
1.Корхонани рўйхатга олиш тўғрисидаги ариза.
2.Таъсис шартномаси ёки корхонани ташкил қилиш тўғрисидаги қарор.
3. Корхона Низоми.
4. Таъсис шартномаси ёки корхонани ташкил қилиш тўғрисидаги қарорда
кўрсатилган Низом жамғармасининг камида 50% миқдоридаги қисми
тўланганлигини тасдиқловчи ҳужжатлар.
5. Давлат божини тўлаганлик ҳақида гувоҳнома.
6. Монополияга қарши муассасанинг корхонани ташкил қилишга розилигини
тасдиқловчи ҳужжат.
7. Давлат мулкини бошқариш ва тадбиркорликни қўллаб-қуватлаш қўмитаси
ёки унинг қуйи идоралари розилиги ҳақидаги ҳужжат.
Рўйхатга олиш корхонага келиб тушувчи ҳужжатларни қайд қилиш
китобида тартиб рақами бериш орқали амалга оширилади. Кўрсатилган
жараёнлар амалга оширилгач, корхона жойлашган манзилгоҳи бўйича солиқ
идораларида ҳисобда туриши ва буни тасдиқловчи ҳужжат олиши ҳамда
банкда ҳисоб рақами очиши мумкин эди. Ҳозирги вақтда бир мунча
қулайликлар яратилган бўлиб, корхонани ташкил этиш учун давлат
хизматлари агентлигига мурожат қилинади.