Ўзбекистон республикаси олий ва ўрта махсус таълим вазирлиги давлат солиқ ҚЎмитаси солиқ академияси

ЕТАКЧИЛИК - бирор шахснинг ўзига хос бошқаларга таъсир ўтказиш хусусияти, мақсадга йўналтириш, қизиқтириш қобилияти.
ЁШ ДАВР ПСИХОЛОГИЯСИ - турли ёшдаги одамларнинг туғилгандан то умрининг охиригача психик ривожланиш жараёнини, шахснинг шаклланиши ва ўзаро муносабатлари қонуниятларини ўрганади;
ИЖТИМОИЙ НОРМА - шахс ҳаётида шундай категорияки, у жамиятнинг ўз аъзолари хулқ - атворига нисбатан ишлаб чиққан ва кўпчилик томонидан эътироф этилган харакатлар талабларидир.
ИЖТИМОИЙ ПСИХОЛОГИЯ - одамларнинг жамиятдаги биргаликдаги иш фаолиятлари натижасида уларда ҳосил бўладиган тасаввурлар, фикрлар, эътиқодлар, ҳиссий кечинмалар ва хулқ-атворларини ўрганади;
ИЖТИМОИЙ САНКЦИЯЛАР - нормаларнинг шахс хулқида намоён бўлишини назорат қилувчи жазо ва рағбатлантириш механизмлари бўлиб, уларнинг борлиги туфайли биз ҳар бир алоҳида вазиятларда ижтимоий хулқ нормаларини бузмасликка, жамоатчиликнинг салбий фикри объектига айланиб қолмасликка ҳаракат қиламиз.
ИЖТИМОИЙ УСТАНОВКАЛАР - Соф психологик маънода янгича тафаккур ва дунёқарашни шакллантирувчи ва ўзгартирувчи ижтимоий психологик механизм - бу ижтимоий установкалардир. Бу - шахснинг атроф муҳитида содир бўлаётган ижтимоий ходисаларни, объектларни, ижтимоий гуруҳларни маълум тарзда идрок этиш, қабул қилиш ва улар билан муносабатлар ўрнатишга руҳий ички ҳозирлик сифатида одамдаги дунёқарашни ҳам ўзгартиришга алоқадор категориядир.
ИЖТИМОИЙ ЭҲТИЁЖЛАР - бу - меҳнат қилиш, билиш, эстетик ва аҳлоқий-маънавий эҳтиёжлар.
ИНДУВИДУАЛ ПСИХОЛОГИЯ – А.Адлер томонидан ишлаб чиқилган. XX асрнинг 20 йилларида педагогика ва психокотерапия соҳаларида кенг тарқалган.
ИНЖЕНЕРЛИК ПСИХОЛОГИЯСИ - автоматлаштирилган бошқарув системалари операторнинг фаолиятини, одам-техника ўртасида функцияларни тақсимлаш ва мувофиқлаштиришнинг хусусиятларини ўрганади;
КАСБИЙ БИЛИМДОНЛИК- педагогик фаолият юритиш учун зарур бўлган назарий ва амалий тайёрлик бирлиги.
КАСБИЙ ТАЙЁРГАРЛИК- бўлажак мутахассиснинг психологик, психофизиологик, жисмоний ҳамда илмий-назарий тайёргарлиги.
КЎНИКМА-ўрганиш натижасида қўлга киритилган, беихтиёр, автоматик тарзда бажариладиган ҳаракат. Кўникмалар бирор ҳаракатни назоратсиз, автоматик тарзда бажариш қобилиятларидир.