Ўзбекистон республикаси олий ва ўрта махсус таълим вазирлиги cамарқанд давлат чет тиллар институти инглиз тили грамматикаси ва тарихи кафедраси

ЭЛЕКТРОН ЎҚУВ-МЕТОДИК МАЖМУАНИ ЯРАТИШ ТУҒРИСИДАГИ НИЗОМ
«Кадрлар тайёрлаш миллий дастури» талабларини амалга оширишда, ҳамда ёш авлодни юқори савияда тайёрлашни таъминлаш мақсадида миллий қадриятлар сингдирилган фанлар бўйича электрон ўқув-услубий мажмуаси яратиш давлат аҳамиятига эга бўлган масалалар қаторига қиритилган. Бугунги кунда илм-фан жадал тараққий этаётган, замонавий ахборот-коммуникация воситалари кенг жорий этилган жамиятда барча фан соҳаларида билимларнинг тез янгиланиб бориши, таълим олувчилар олдига уларни тез ва сифатли эгаллаш билан бир қаторда, мунтазам ва мустақил равишда билим излаш вазифасини қўймоқда. Шунинг учун интелектуал салоҳиятга эга, илм-фаннинг замонавий ютуқлари асосида ижодий фикрлайдиган шахсларни шакллантириш ҳамда юқори малакали кадрларни тайёрлаш масаласи электрон ўқув-методик мажмуаларнинг янги авлодини яратишни талаб қилмоқда.
Давлат таълим стандартлари талабларидан келиб чиқиб электрон ўқув-методик мажмуаларини яратиш бўйича дидактик, психофизиологик, методик, техник ва дастурий талабларни ишлаб чиқиш, электрон ўқув-методик мажмуалардан тўғри ва рационал фойдаланиш, унинг шакллари ва турларига таърифлар бериш ҳамда мамлакатимиз миқёсида замонавий электрон ўқув-методик мажмуаларини тайёрлаш бўйича масалалар кўламини аниқлаш талаб этилади.

ф.ф.н. Ф.М. Усманов “Ўрганилаётган тил назарий грамматикаси” фанидан 4-чи курс бакалавриат учун ўқув-услубий мажмуа. Самарқанд 2015, 103бет.

Ушбу ўқув-услубий мажмуа замонавий педагогик технологиялар асосида тайёрланган бўлиб, ундаги танланган маърузалар асосида талабаларда “Ўрганилаётган тил назарий грамматикаси” фани бўйича назарий билимга эга бўлиши, яъни, замонавий инглиз тилдаги фонетик, грамматик ҳодисаларнинг моҳиятини, унинг тараққиёти жараёнидаги тарихий ҳодисаларнинг ўрнини тушуниши, ўрганилаётган тилнинг фонетик ва грамматик ҳодисаларнинг инглиз тили тараққиётида мавжуд бўлган ўзига ходисалар ҳақида муайян тушунча ва тасаввурга эга бўлиши кўзда тутилган.
Ўқув-услубий мажмуа филология фанлар йўналишида таҳсил олувчи талабалар учун жами 26 соат маъруза машғулоти учун мўлжалланган.
Ушбу ўқув-услубий мажмуа Самарқанд Давлат Чет Тиллар Институти ўқув-услубий кенгаши томонидан нашрга тавсия этилган (26.08.2015 Баённома № 1).


Муҳаррир: доц. Ў.Усманов.


Тақризчилар: доц. Ш.Ашуров, ф.ф.н.А.Шерматов.