Ўзбекистон республикаси олий ва ўрта махсус таълим вазирлиги бухоро юқори технологиялар муҳандислик-техника институти олий таълимнинг 5542000 – «Нефт ва газ конларини ишга тушуриш ва улардан фойдаланиш»

Углеводород - газлар асосан метандан ташкил топган ( 80-95%), қолгани метан гомологларидан озрок миқдорда этан, пропан, бутан ва айрим холларда (камдан-кам) пентан. Метан-рангсиз, хидсиз ва хаводан енгил газ. Чуқурликда ҳосил бўлган метан газидан юзада пайдо бўладиган метан изотоп таркиби бўйича бир-биридан тубдан фарк килади.
Табиий ёнувчи газлар углеводород компонентларидан ташқари углекислий газ, азот, олтингургурт ва кислороддан таркиб топган. Ҳосил бўлишига караб ёнувчи газлар 60% гача углекислий газ ва азотдан ташкил топган ва озгина миқдорда гелий, аргон ва бошқа энерт газлар хам бўлиши мумкин.
Газлар таркибидаги метан ва огир углеводородларга караб курук (кашшок) ва мойли (бой)ларга бўлинадилар. Агар газлар таркибида метан кўп булса курук ва аксинча кам булса мойли дейилади. Мисол учун Шебелинский, Шимолий Ставропол газларининг таркибини 97% гача метан ташкил килади.
Табиий газлар углеводород ва ноуглеводородлар бирикмаси­дан ташкил топган бўлиб, улар қатламда соф газ ҳолида, нефт ва сув таркибида эриган ҳолда учраши мумкин. Табиий газларнинг умумий кўриниши Cn Н_{2n +2} ифодаси билан аниқланиб, метан гомо­логлари қаторидан ташкил топган бўлади.
Табиий газлар таркибида ноуглеводород газлардан азот (N ), углерод (IV) оксиди (СО₂), водород сульфид (Н S), инерт газлар­дан аргон (Ar), гелий (Не), криптон (Kr), ксенон (Хе) ва мер­каптанлар (RSH) бўлиши мумкин.
Табиий газ таркибига кирувчи метан гомологлари С₁ дан С₄ гача бўлади (СН₄, С₂Н₅, С₃Н₃, С₄Н₁₀). Шунингдек табиий газ тар­кибида энг енгил суюқ, углеводородлар эриган ҳолда ҳам учраши мумкин. Булар С₅ дан С₉ гача бўлиб, уларни конденсат деб атала­ди. Таркибида эриган конденсат бор бўлган табиий газ конларини газконденсат конлари дейилади.

Табиий газларнинг бундай муфассал таснифланишига асосий са­баб, унинг таркибидаги компонентларнинг миқдорига (айниқса кон­денсат, СО₂, Н₂S каби моддалар миқдорига) қараб конда табиий газни тайёрлаш иншоотлари ҳар хил бўлади. Олтингугуртсиз ва кам олтингугуртли конларда табиий газни олтингугуртдан тозаловчи иншоотлар қурилмайди.

Табиий газларни узоққа узатиш учун улар қуритилган (яъни таркибида сув буғлар бўлмаслиги керак), конденсатдан тўла тоза­ланган, механик моддаларсиз ва тажовузкор назларсиз (N, CO₂, H₂S) ҳолда тайёрланган ҳолда бўлиши керак. Ана шу айтиб ўтилган тозалаш жараёнларини биронтаси ҳам бажарилмай колмаслиги керак, акс ҳолда истеъмолчининг газдан фойдаланувчи қурилмаларида фа­локатли ходисалар юз бериши мумкин.