Ўзбекистон Республикаси Олий ва ўрта махсус таълим вазирлиги Бухоро давлат университети бухоро тарихи кафедраси

Ўқув фанининг мақсади ва вазифалари

Ўзбекистон тарихининг қизиқарли ва мураккаб жараёнларида давлатчилик тариққиётининг ўрни ва аҳамияти беқиёс бўлганлиги, унинг тарақиётида мавжуд бўлган кўплаб босқичлар, тамойиллар, йўналишлар, қонуниятларнинг ўзига хос эканлиги тўғрисида талабаларга чуқур билимлар бериш ўқув фанининг асосий мақсадидир.

Ушбу мақсадга эришиш йўлида қуйидаги вазифаларни бажариш кўзда тутилган:

• 
  турли тарихий даврларда ўзбек давлатчилигининг ривожланишида ижтимоий-иқтисодий, сиёсий ва маданий омилларнинг таъсирини очиб бериш;
  
• 
  давлатчилик тараққиёти ва халқаро муносабатлар ўртасидаги боғлиқлик томонларини атрофлича тахлил этиш;
  
• 
  давлатчилик тараққиёти ва халқаро муносабатлар ўртасидаги боғлиқлик томонларини атрофлича тахлил этиш
  
• 
  Ўзбекистон ҳудудида мавжуд бўлган давлатларнинг ривожланишидаги асосий тенденцияларни кўрсатиб бериш;
  
• 
  ўзбек халқининг ўзига хос маданияти, менталитети, урф-одатлари ва анъаналарининг давлатчилик тариққиётига таъсирини кўриб чиқиш;
  
• 
  ўқув жараёнида фан маъруза, семинар, мустақил иш каби ўқитиш турлари ва интерфаол усулларидан фойдаланилган ҳолда ўқитилади;
  

Фан бўйича билим, кўникма ва малакаларига қўйиладиган талаблар

Ўзбек давлатчилигининг тарихий илдизлари узоқ ўтмишга бориб тақалиши, унинг кўп асрлик ривожланишида рўй берган воқеалар ва жараёнлар тўғрисида талабалар чуқур билимларга эга бўлишлари керак. Талабалар давлатчилик тараққиётининг ўзига хос ҳусусиятларини тўғри тушунишлари ва англаб етишлари лозим.

Ўқув фани бўйича эгаллаган билимларни илмий-тадқиқот ва илмий-педагогик фаолиятида қўллаш, давлатчилик тарихининг долзарб масалари бўйича тадқиқот ишларини олиб бориш кўникмаларга эга бўлишларни керак.


Фаннинг ўқув режадаги бошқа фанлар билан ўзаро боғлиқлиги ва услубий жиҳатдан кетма – кетлиги

Ўқув фани V-VI семестрда ўқитилади. “Ўзбекистон тарихи”, “Жаҳон тарихи”, “Тарихшунослик”, “Манбашунослик” каби фанлар билан ўзаро боғлиқ. Юқорида номлари тилган олинган фанлар бўйича билимлар тақдим этилиётган фанни чуқурроқ ўзлаштиришга ёрдам беради.