Ўзбекистон республикаси олий ва ўрта махсус таълим вазирлиги Қарши давлат университети

4.1- расм. «Биостим» микроўстиргич биопрепарати таркибидаги
биологик фаол моддалар миқдори

Ўтказилган лаборатория ва дала тажрибаларига асосланиб, «Биостим» микроўстиргич биопрепаратининг қишлоқ хўжалиги экинлари ўсишига таъсири ва сарфланиш меъёри белгиланди. Унга кўра суюқ ҳолдаги препаратнинг 10л миқдори 500 л оддий сувга суюлтирилиб, 3 га ер майдонига сарфланиши белгиланди. Шунингдек, биопрепарат таркибидаги ўсимликларнинг ўсиш ва ривожланишига таъсир этувчи биологик фаол моддалар миқдори ҳам аниқланган. Унга кўра 1 мл биопрепарат таркибида эндо-1,4-β-глюканаза фаоллиги 2,45 мг/мл, экзо-1,4-β-глюканаза 2,0 мг/мл, ксилиназа 5,5 мг/мл, оқсил 0,6 мг/мл, ИСК 2,4 мг/мл ва ГК миқдори 2,0 мг/мл эканлиги аниқланди (4.1 расм.).

Қишлоқ хўжалиги экинларининг ҳосилдорлигини оширувчи, уларни турли фитопатоген микромицетлар қўзғатувчи касалликлардан ҳимоя қилувчи, қурғоқчил шароитларда ўсимликларнинг стрессга чидамлилигини оширувчи ҳамда ташқи муҳитга мослашиш қобилиятини кучайтирувчи препаратларни яратиш ва уларнинг сонини ошириш жуда муҳим ҳисобланади. Лаборатория шароитида синовдан ўтказилган «Биостим» микроўстиргич биопрепаратини дала шароитида қишлоқ хўжалигининг асосий экин турлари ҳисобланадиган пахта, буғдой, пиёз, помидор ва полиз экинларига таъсири тадқиқ этилди [162; .-p. 32-43].
Қашқадарё вилояти Миришкор тумани «Нодир БКС» фермер хўжалигида 30 га ер майдонига пахтанинг «Бухоро - 8» навига ва Касби тумани Ёзи ибн Аҳмад бобо ва Аллаев Холмат бобо номли фермер хўжаликларида 55 га ер майдонларида «Биостим» микроўстиргич биопрепаратини пахтанинг «Бухоро-102» навига таъсири борасида тадқиқотлар ўтказилди. Тажрибада биопрепаратнинг 10:500 нисбатда концентрациясидан фойдаланилди. Даставвал уруғлар 8 соат давомида ивитилди, назорат вариантида эса уруғлар сувга ивитилди ва полиэтилен пленка билан ўраб қўйилди. Ҳар иккала вариантларда гектарига 60 кг.дан уруғ бир вақтда экилди. Фенологик кузатувлар пахта ривожланиш фазалари даврида олиб борилди. Уруғлар назорат вариантига нисбатан тажриба вариантида 3 кун олдин униб чиқиши кузатилди. Гуллаш фазасидан олдин бир марта ва шоналаш фазасидан олдин иккинчи марта биопрепарат билан ишлов берилди. Биопрепаратнинг 10 литр миқдори 10:500 нисбатда суюлтирилди ва ОВХ аппарати ёрдамида қуёш ботгандан сўнг ғўза ўсимликларига ишлов берилди. Тадқиқотлар вилоятнинг ҳар иккала туманида бир вақтнинг ўзида олиб борилди (4.1 -жадвал).