Ўзбекистон республикаси олий ва ўрта махсус таълим вазирлиги қарши давлат университети

2- машғулот. Мавзу: Салбий экологик таъсир.
2- ва 3-машғулотларнинг технологик хариталарини 1-машғулотдаги каби 
тузиб олиш мумкин.
Машғулотнинг бориши: 
Тарбиячи аввалдан компьютер хотирасига киритган салбий экологик 
таъсирга доир мультимедиали материални очади ва машғулотни бошлайди. 
Тарбиячи: болалар, компьютер экранидаги болалар нима қилаяптилар? 

---

181 
Гуруҳ болалари: майсазорларни пайҳон қилаяптилар, деб жавоб 
берадилар. 
Тарбиячи: кадрни тўхтатиб, улар майсазорларни пайҳон қилиб, кислород 
ҳосил бўлишини камайтирмоқдалар. Бундай ноўрин ҳаракатлар туфайли, инсон 
қони кислород билан таъминланишига салбий таъсир этилади деб, болаларга 
тушунтиради. Сўнгра, кадрни ҳаракатга келтириб, экрандаги болалар энди 
нима қилаяптилар?- деган саволни ўртага ташлайди. 
Гуруҳ болалари: болалар пахол ва хазонларни ѐқиб юбораяптилар. 
Тарбиячи: кадрни тўхтатиб, тутун инсон организми учун зарарли бўлиб, 
организмни заҳарлаши ва ҳатто, саратон касалини келтириб чиқариши мумкин. 
Шунинг учун, похол ва баргларни ѐқиш керак эмас. Уларни бир жойга тўплаб, 
ерга кўмиб қўйилса, у маҳаллий ўғитга айланиши мумкин. 
Қарши шаҳридаги 6-сонли «Баҳор» номли мактабгача таълим 
муассасасида «Салбий экологик таъсир» мавзусида ўтказилган машғулотдан 
лавҳа 
Тарбиячи: кадрни ҳаракатлантириб, болалар экрандаги бола нима 
қилаяпти? деб сурайди. 
Гуруҳ болалари: бола рогатка(палаҳмон) билан қушчани уриб 
тушираяпти, дейдилар. 
Тарбиячи: болалар томонидан қушларни ўлдириш номаъқул иш. Қушлар 
бизнинг дўстимиз, улар ўсимлик ва меваларни нобуд қилувчи ҳашоратларни еб, 
инсонларга фойда келтиради, деб тушунтиради. 

---

182 
Машғулот охирида тарбиячи атроф-муҳитга ва табиатга нисбатан салбий 
экологик таъсир инсониятнинг саломатлигига катта зиëн қилиши ва салбий 
оқибатларга олиб келиши мумкинлигини таъкидлайди.