Ўзбекистон республикаси олий ва ўрта махсус таълим вазирлиги а.ҚОдирий номидаги жиззах давлат педагогика институти педагогика-психология кафедраси

3 бўлим - Психокоррекцион
Бу бўлим иккита дастур орқали амалга оширилади.
Индивидуал-коррекцион дастур
Дастур асоси:
Шахснинг руҳий тушкунликга барқарорлигини оширувчи, “руҳий тушкунлик сценарийсини” коррекция қилувчи психокоррекцион методларнинг, машғулотларнинг индивидуал тарзда танланиши.
Мақсад:
Индивидуал психокоррекцион машғулотлар ёрдамида шахснинг руҳий тушкунликга барқарорлигини ошириш.
Вазифалар:
1. Турли релаксatsiон психотехника кўникмаларини эгаллаш.
2. Руҳий тушкунликнинг олдини олиш кўникмаларини эгаллаш.
3. “Махсус кундалик”, “Хурсандчилик, қувонч календари” ни олиб бориш кўникмаларини эгаллаш
4. Муаммоли вазиятларда позитив, конструктив тафаккур кўникмаларини эгаллаш.
5. Турли руҳий тушкунлик ҳолатларида, ушбу руҳий тушкунликни бартараф этишнинг индивидуал графигини тузиш.
Индивидуал психокоррекцион ишлар дастурда асосий йўналиш ҳисобланади.
Дастурнинг мақсад ва вазифаларини амалга ошириш учун баъзи асосий машқларни келтириш мумкин.
Релаксatsiон машқлар
Ўтказиш шарти: Сокин мусиқа остида, сокин ҳолатда, ҳафтада бир –икки марта, 10-15 дақиқа бажарилади.
1. Тинч, салгина ёритилган хонада ўзингиз учун қулай ҳолатда ётинг, кийимингиз ҳаракатларингизни чегараламаслиги керак.
2.Кўзингизни юмиб, секин-аста чуқур нафас олинг. Нафас олинг ва 10 сонияга нафасни ушлаб туринг. Нафасни шошмасдан чиқаринг ва ичингизда қайтаринг: “Нафас олиш ва чиқариш, кучайиш ва пасайишдек”. Бу муолажани 5-6 марта такрорланг. Сўнг 20 сония дам олинг.
3. Айрим мушакларни ёки уларнинг гуруҳларини куч билан қисқартиринг ва 10 секунд ушлаб туринг, сўнгра мушакларни бўшаштиринг. Шу тариқа танангиздаги барча мушакларни қисқартириб, бўшаштиринг.
4. Имкони борича бўшашиш ҳолатини танангизни пастидан тепасигача ҳис қилишга ҳаракат қилинг: оёқ бармоқларингиздан болдирингиз ва сонингиз орқали, танангиздан бошингизгача. Ичингизда қайтаринг: “Мен тинчланяпман, мени ҳеч нарса хавотирга солмаяпти, ўзимни яхши ҳис қиляпман”
5. Бўшашиш ҳолати танангизнинг барча қисмларига тарқалаётганини тасаввур қилинг. Зўриқиш сизни тарк этаётганини ҳис қиляпсиз. Елкаларингиз, бўйнингиз, юз мускулларингиз бўшашаётганини ҳис қиляпсиз. Тинч ётинг.
6. Йигирмагача сананг. Ўзингизга гапиринг: “Йигирмагача санагунимча кўзларим очилади, ўзимни тетик ҳис қила бошлайман”