Ўзбекистон республикаси олий ва ўрта махсус таълим вазирлиги андижон давлат университети

ЎЗБЕКИСТОН РЕСПУБЛИКАСИ
ОЛИЙ ВА ЎРТА МАХСУС ТАЪЛИМ ВАЗИРЛИГИ
АНДИЖОН ДАВЛАТ УНИВЕРСИТЕТИ
ТАРИХ ФАКУЛЬТЕТИ
ЖАҲОН ТАРИХ КАФЕДРАСИ

Тарих йўналиши 3-курс 301-гурух талабаси Мухтаров Сардорнинг
Мавзу: Аврангизеб-Бобурийлар салтанати ҳукмдори
мавзусидаги

Илмий раҳбар: доцент А.Мамажанов
Андижон -2020


К И Р И Ш
Мавзунинг долзарблиги. Мамлакатимизда мустақилликнинг дастлабки кунларидан ижтимоий-сиёсий соҳаларнинг барча тармоқларида миллий ва умумбашарий қадриятларга асосланган вазифалар амалга ошириб борилмоқда. Бугунги кунда Республикамизда ижтимоий-сиёсий муаммоларни такомиллаштириш муҳим аҳамият касб этади.
Тарихан қисқа даврда, аввало, эл-юртимизнинг ҳоҳиш-иродаси, куч-қудрати, машаққатли ва бунёдкорона меҳнати эвазига жаҳон харитасида янги, ўз кучи ва салоҳиятига таянган, бугун тараққиёт йўлидан барқарор суръатлар билан ривожланиб бораётган мустақил, суверен Ўзбекистон давлатининг пайдо бўлиши, ҳеч шубҳасиз, халқимизнинг тарихий ғалабасидир.
Бугунги куннинг ўткир ва долзарб муаммолари биздан замонавий тараққиётнинг асосий тамойилларини ҳар томонлама чуқур таҳлил этиш билан бирга, инсониятнинг яқин-олис тарихидаги бой тажрибасини ҳам теран идрок этишни, шу асосда амалий хулосалар чиқаришни тақозо этмоқда, яъни тарих тажрибаси одамзод учун тобора муҳим аҳамият касб этмоқда.
Шундан келиб чиқиб, курс ишимизни шакллантиришда жаҳон тарихининг долзарб мавзуларидан бўлган Бобурийлар давлатининг ҳукмронларидан Аврангизебга тўҳталиб ўтдик. Ҳиндистондаги Бобурийлар сулоласи меросини ўрганиш, уни тадқиқ этиш масаласи - Рангондаги охирги ҳукмдор Баҳодиршоҳ II ҳукмронлигидан сўнг бир юз эллик йилдан кўпроқ вақт ўтган бўлса ҳам, ҳамон ҳиндшунос ва шарқшунос олимларнинг диққат марказида турган долзарб мавзулардан бири бўлиб қолмоқда. Бугунги кунга келиб, Ҳиндистоннинг ўзида ва жаҳоннинг бошқа мамлакатларида, хусусан Ўзбекистонда ҳам бу масала бўйича кўплаб илмий ишлар қилинган. Шу нуқтаи назардан, ушбу Курс ишимизда Бобур ҳукмронлигидан бошлаб, Аврангзеб ҳукмронлиги тугагунга қадар бўлган даврда Бобурийлар давлатининг ижтимоий-сиёсий бошқарувига унинг ўзига хос жиҳатларини кўриб чиқишга қаратдик.
Аврангзеб - Бобурийлар салтанати ҳукмдори мавзусининг долзарблиги жаҳон миқёсида кўп китобларнинг чоп этилиши ва айрим асарларнинг қайта нашр қилинишига олиб келди. Улар орқали аксарият қизиқарли маълумотлар илмий муомалага киритилди ва кенг доирадаги китобхонларга тақдим этилди.
Аврангзеб - Бобурийлар салтанати ҳукмдори мавзусидаги курс ишимизда ана шу асарларда таржима қилинган мавзу бўйича чоп этилган адабиётлар, илмий мақолаларни ўрганиб, таҳлил қилиб Курс ишимизни холисона яратишга ҳаракат қилдик.