Ўзбекистон республикаси олий ва ўрта махсус таълим вазирлиги андижон машинасозлик институти

ЎЗБЕКИСТОН РЕСПУБЛИКАСИ

ОЛИЙ ВА ЎРТА МАХСУС ТАЪЛИМ ВАЗИРЛИГИ
АНДИЖОН МАШИНАСОЗЛИК ИНСТИТУТИ
«РАҚАМЛИ ҲАЁТ ВА ИЖТИМОИЙ ФАНЛАРНИНГ БАРКАМОЛ АВЛОДНИ ВОЯГА ЕТКАЗИШДАГИ ЎРНИ ВА АҲАМИЯТИ: ДОЛЗАРБ МУАММОЛАР ВА ИСТИҚБОЛ» МАВЗУСИДА ХАЛҚАРО ИЛМИЙ-
АМАЛИЙ АНЖУМАНИ
АХБОРОТ ХАТИ

12 апрель, 2022 йил

Ўзбекистон Республикаси Олий ва ўрта махсус таълим вазирлиги
Андижон машинасозлик институти
АХБОРОТ ХАТИ
Ўзбекистон Республикаси Вазирлар Маҳкамасининг 2022 йил 7 мартдаги 101-F сонли Фармойиши билан тасдиқланган 2022 йилда Халқаро миқёсда ўтказиладиган илмий ва илмий-техник тадбирлар режасига мувофиқ ҳамда Ўзбекистон Республикаси Вазирлар Маҳкамасининг “Илмий-инновацион ишланма ва технологияларни ишлаб чиқаришга тадбиқ этишнинг самарали механизмларини яратиш чора-тадбирлари тўғрисида”ги 2018 йил 12 январдаги 24-сон қарори, шунингдек, мамлакат илм-фани нуфузини янада ошириш ва халқаро илмий-техник ҳамкорлик кўламини кенгайтиришга қаратилган халқаро ва республика миқёсидаги илмий анжуманлар, симпозиум, конгресс, семинарлар ва бошқа илмий ҳамда илмий-техник тадбирларни юқори илмий ва ташкилий амалий даражада самарали ўтказилишини таъминлаш мақсадида Андижон машинасозлик институтида 2022 йил 12 апрелда “Рақамли ҳаёт ва ижтимоий фанларнинг баркамол авлодни вояга етказишдаги ўрни ва аҳамияти: долзарб муаммолар ва истиқбол” мавзусида халқаро илмий-амалий анжумани ўтказилади.
Анжуманда муҳокама қилинадиган мавзулар йўналишлари:
1. Гуманитар фанлар
2. Филология фанлари
3. Иқтисод фанлари
4. Аниқ фанлар
5. Техник фанлар
Халқаро илмий-амалий анжуманда қатнашишга хорижий давлатлар ва республикамиз профессор-ўқитувчилари, мутахассислари, илмий ходим ва изланувчилари ҳамда ОТМлар иқтидорли талабалари ва магистрантлари таклиф этилади. Дастур ва материаллар тўплами анжуман бошлангунга қадар чоп этилади. Анжуман материаллари тўпламига УДК, ББК, кутубхона индексидаги китоб рақами берилади. Анжуманда иштирок этиш учун илмий мақолаларва тезислар 2022 йилнинг 9 апрелига қадар қабул қилинади.
Тақдим этиладиган мақолалар ва тезисларни расмийлаштиришга талаблар:

1. 
   Мақолалар ва тезислар [phone] рақамига телеграмм орқали (хорижлик қатнашчилар [e-mail] электрон почта орқали) юборилиши лозим (Файл Word форматида йўналиш номери ва муаллифнинг фамилияси билан номланиши лозим, масалан: «1-Nurmatov X.doc»). Анжуман қатнашчисининг талабномаси (заявка)ни тақдим этиш мажбурий хисобланади. Мақолалар, тезислар ва талабнома иккита файл қилиниб, битта хатда юборилиши керак.
   

Тақдим этилаётган материал Times New Roman таҳририда 14-шрифтда тўлиқ 3-5- бет бўлган ҳажмда А4 форматдаги қоғозга расмийлаштирилади. Қоғознинг ҳошияларидаги ўлчамлари: чапдан - 2,5 см, ўнгдан - 2,0 см, юқоридан - 2,5 см ва пастдан - 2 см. Сатр боши учун 1,0 см қолдирилади. Матн эни бўйича текисланган (по ширине) бўлиши керак. Қаторлар орасида 1,5 интервал.
Мақолаларнинг ва тезисларнинг номи марказга қорайтирилган шрифт билан ёзилади. Кейинги қатор ўтказиб юборилади. Кейинги сатрдан муаллифнинг ФИШ, илмий даражаси ва унвони ёзилади. Уларнинг тагига қатор қолдирмасдан кичик харфларда ташкилотнинг тўлиқ номи, шаҳри, давлати. Кейинги қатор ўтказиб юборилади ва кейинги қатордан мақоланинг матни ёзилади.
Манбаларга ҳавола (ссылка)лар асосий матн ичида [1] кўринишда бўлиши лозим (намунага қаранг).