Ўзбекистон республикаси олий ва ўрта махсус таълим вазирлиги андижон қишлоқ ХЎжалиги ва агротехнология

Тадқиқот объекти 
сифатида
 
Ўзбекистон уй хўжалиги кесимида 
оилалар иқтисоди, уларнинг таркибий тузилиши ва ижтимоий – иқтисодий 
ривожланишнинг худудий жиҳатлари олинган.

Тадқиқотнинг предметини
Янги Ўзбекистон шароитида оиланинг 
иқтисодий барқарорлигини таъминлаш жараёнида юзага келадиган 
ижтимоий-иқтисодий муносабатлар ташкил этади. 
Тадқиқотнинг усуллари.
Тадқиқот жараёнида тизимли таҳлил, 
тарихийлик ва мантиқийлик, индукция ва дедукция, анализ ва синтез, қиёсий 
ва селектив танлаб тадқиқ қилиш, монографик таҳлил ва гуруҳлаш, 
математик, статистик, социологик, таркиб-тизим, эконометрик таҳлил ва 
прогнозлаштириш усуллари қўлланилган. 
Диссертацияда Ўзбекистон Республикаси Конституцияси, Ўзбекистон 
Республикаси Қонунлари, меъёрий ҳужжатлар, Ўзбекистон Республикаси 
Президенти Фармонлари, фармойишлари, Вазирлар Маҳкамасининг 
қарорлари, мамлакатимиз ва хорижий иқтисодчи олимларнинг тадқиқотлари 
ишнинг назарий ва услубий асосини ташкил этади.
Шунингдек, диссертация ишида Ўзбекистон Республикаси Давлат 
статистика қўмитаси, Ўзбекистон Республикаси статистика бошқармаси, 
вилоят, шаҳар ва туман ижтимоий таъминот бўлимлари, бандликка 
кўмаклашиш марказлари, Республика “Оила” илмий-амалий маркази вилоят 
бўлими маълумотлари, “Маҳалла” жамғармаси йиллик ҳисоботларидан ҳамда 
муаллиф томонидан ўтказилган социологик сўровнома, эконометрик ҳисоб 
ва усуллар хулосаларидан фойдаланилди. 
Тадқиқотнинг илмий янгилиги 
қуйидагилардан иборат
: 
-илмий методологияда "иқтисодий одам", "ижтимоий шахс", "оила 
иқтисоди", "оила иқтисодий барқарорлиги", "оила мухофазаси", "иқтисодий 
фаоллик" атамалари замонавий талқинда институционал ёндашувлар 
(субъектив ва объектив) нуқтаи назаридан қаралиб, оилаларнинг иқтисодиёт 

---

10 
субъекти сифатида уларнинг даромадлари даражаси иқтисодий фаоллик 
барометри сифатида юзага чиқиши услубиёти;
-оила иқтисодининг асосий турлари (қўшма, умумий, алоҳида) ва 
оилавий иқтисодий стратегияларнинг асосий турлари (жамғарувчи, пул, 
тадбиркорлик) уларни амалга оширишда қўлланиладиган воситаларнинг 
хавф даражаси ва рентабеллиги мезонларига мувофиқ таснифи; 
-тадбиркорлик ва касаначилик фаолиятини ривожлантириш билан кам 
таъминланган ва камбағалликни қисқартиришга, жумладан кичик бизнесда
бандликни ошириш орқали камбағалликни қисқартириш ҳисобидан оилалар 
иқтисодий барқарорлигини 2 баробарга (85-90 %) ошириш мумкинлиги 
борасидаги муаллиф таклифлари; 
-меҳнат ва бандлик бўлимларининг оила иқтисодий барқарорлиги, 
ижтимоий муҳофазасини таъминлашдаги фаолиятини такомиллаштириш, 
оиланинг иқтисодий барқарорлигини таъминлашда ўзини-ўзи бошқариш 
органларининг ролини ошириш йўллари борасидаги таклифлари; 
-оила даромадларига нисбатан харажатлар таркибининг шаклланиш 
хусусиятларини аниқланиб, Ўзбекистонда илк маротаба истеъмол савати ва 
уни шакллантиришнинг миллий хусусиятлари очиб берилган ҳамда мухтож 
оилалар харажатлари минимал меъёрлари; 
-оилалар иқтисодий барқарорлигини таъминловчи омиллар таъсирини 
ўз ичига олган эконометрик моделлар яратилганлиги, Фарғона водийси 
вилоятларида оилавий тадбиркорликнинг оилавий корхоналар, хонадон 
цехлари, касаначилик каби турларини ривожлантириш йўли билан янги иш 
ўринларини яратиш ҳисобидан оилалар иқтисодий барқарорлигини 
таъминлашнинг 2030 йилгача бўлган прогнози.