Ўзбекистон республикаси олий ва ўрта махсус таълим вазирлиги алишер навоий номидаги самарқанд давлат

қўйиш ва ҳал қилишдан бошлаши мақсадга мувофиқдир. Ўқувчилар муаммони
ҳал қилишда ва муҳокама қилишда иштирок этадилар, бунда вужудга
келадиган ички қарама-қаршиликларни очиб ташлаб, фаразларни илгари
сурадилар ва уларни муҳокама қилиб, мумкин бўлмаганларини инкор
қиладилар, у ёки бу хулосанинг ҳақиқатлигини ё бўлмаса нотўғри фикрларнинг
асоссизлигини исбот қиладилар.
Бошқача айтганда, ўқитувчи ўқувчилар олдида илмий тафаккурнинг
йўлини намойиш этади, бу билан ўқувчиларнинг фикрини ҳақиқатга
диалектик ҳаракатини кузатишга мажбур этади, уларни беихтиёр илмий
“кашфиёт”лар яратувчиси қилиб кўрсатади. 
Ҳозирги пайтда математика ўқитиш жараёнида муаммоли таълимнинг уч 
хил усули мавжуд:
муаммоли баён қилиш; 
изланиш йўналишидаги суҳбат; 

---

тадқиқот ўтказиш. 
Биринчи усулда ўқитувчи ўзи муаммони қўяди ва ечади, бунда у муаммо
ҳақида огзаки фикр юритади ва муаммони ҳал қилишга олиб борадиган барча
йўллар ва усулларни қараб ўтади. Билимларнинг бундай баён этиш маъносиз
хулосаларни инкор қилади, айримлари эса қабул қилиниб ривожлантирилади. Бу
усулда баён қилишнинг афзалликлари шундаки, муаммони ечишда ўқувчилар
фикр юритишга ўрганадилар, мавзу мазмунини пухта ва онгли ўзлаштириб
оладилар. 
Дарсни изланиш йўналишидаги суҳбат шаклида ташкил этишнинг
мазмуни шундан иборатки, ўқувчилар олдиндан тайёрлаб қўйилган саволлар
мажмуаси ёрдамида таклиф этилган ўқув муаммоларини ҳал этишга жалб
этилади. Бу усул дарсда илгари сурилаётган муаммоларни ҳал қилишга фаол
иштирок этишга имкон берувчи ўқувчилар билим савияси мавжуд
бўлгандагина қўлланилиши мумкин. Асосий нарса - ўқитувчи томонидан