Ўзбекистон республикаси олий ва ўрта махсус таълим вазирлиги алишер навоий номидаги самарқанд давлат

8-машғулот. ЎҚУВЧИЛАР ИЖОДИЙ ФАОЛЛИГИНИ ОШИРИШДА 
ЯНГИ ПЕДАГОГИК ТЕХНОЛОГИЯЛАРДАН ФОЙДАЛАНИШ 
УСЛУБИЯТИ. 
 
1.Математика œšитишда œšувчилар ижодий фаоллигини ошириш 
усуллари. 
2. Ўқувчилар ижодий фаоллигини тарбиялашда масалалар ечишнинг 
аҳамияти. 
3. Квадрат тенгламаларни ўрганишда янги педагогик технологиялардан 
фойдаланиш. 
Таянч иборалар:математика, ўқувчилар ижодий фаоллиги, квадрат тенгламалар, ностандарт математик масалалар, математик 
тафаккур. 
Машғулотни ўтказиш бўйича услубий кўрсатмалар 
1.Мактаб математика курсини ўрганиш ўз мазмунига, хусусиятларига кўра ўқувчилардан кўпроқ фикрлаш ва мулоҳазалашни
талаб этади. Ҳақиқатдан ҳам, чунки ўқувчи математик билимларни қуруқ ёдлаб олган бўлса, уларнинг маъносига тушунмай
қабул қилса, у кейинги ўқув фаолиятида бу билимларга асосланиб янги билимлар манбаи, олинган билимлар ҳақида
мустақил фикр юритиш қобилиятига эга бўлмайди. Шу сабабли математика дарсларида ўқувчилар фикрлаш фаолиятини
ривожлантиришнинг асосий мақсади ўқувчиларнинг ўрганилаётган мавзуни онгли қабул қилишларига ёрдам бериши, ҳар
бир ўқувчига назарий савол ва масалаларининг ечиш усулларини топишда мустақиллик кўрсатишга имконият яратишдан
иборатдир. Буни амалга ошириш учун дарс жараёнида етарлича тушунчанинг чуқур ва кенг мазмуни ва хусусиятларини
ўқувчиларга кўрсата олиш керак, чунки саволлар устида мустақил фикр юритиш, мустақил хулосалар чиқариш, машқ, 
масалар ечишда ва теоремаларни исбот этишда ўз йўл ва усулларини топа олиши ўқувчининг пухта ва чуқур билимлар
олишига имкон беради. 
Математика ўқитиш жараёнида ўқувчилар фикрлаш фаолиятини
ривожлантиришда билимларнинг муаммоли баён қилиниши катта аҳамият касб
этади. Шунинг учун ўқитувчи имконияти борича янги мавзуни баён қилишни
ўрганилаётган мавзунинг моҳияти ва мазмунини ўз ичига олувчи муаммони