Ўзбекистон республикаси олий ва ўрта махсус таълим вазирлиги абу Райхон Беруний номли Тошкент давлат техника университети «Электроника ва автоматика» факультети

4.3. Стандартлаштириш усуллари

Бирхиллаштириш (хилма-хилликни бошқариш) – бир хил функционал мақсаддаги объектларнинг мақбул ва қисқартирилган номенклатурасини танлаш ва регламентлашнинг илмий-техникавий усули.

Бирхиллаштириш – стандартлаштиришнинг кўпроқ тарқалган ва самарадор шакли. Бирхиллаштирилган буюмлар, уларнинг таркибий қисмлари ва деталлари тўлиқ ўзаро алмашинувга (ёки бир-бирига мосликка) эга бўлишлари лозим.
Бирхиллаштиришлар стандартлаштириш объектларини тизимлаштириш ва таснифлашдан олдин юз бериши мумкин.
Стандартлаштириш ва бирхиллаштириш даражаси кўрсаткичлари буюмларнинг стандарт ва бирхиллаштирилган деталлар ва таркибий қисмлар билан тўйдирилганлик даражаси қуйидагича аниқланади:
қўлланишлик коэффициенти билан, % да

Бу ерда n – буюмда деталлар ва таркибий қисмларнинг умумий миқдори;
2. такрорланишлик коэффициенти билан, % да

Шунга ўхшаш қўлланишлик коэффициентини қиймат бўйича аниқлаш мумкин.

Агрегатлаш – машиналар, жихозларни ўзаро алмашинувчи агрегатлардан тузиш усули.
Агрегат – машинанинг (машиналар, жихозлар мажмуининг) тўлиқ ўзаро алмашинувчанликка эга бўлган, айрим функцияларни мустақил бажарадиган йирик бирхиллаштирилган усули (Ёки – икки ёки бир неча хар хил машиналарнинг умумий иши учун бирикма)
Бирхиллаштириш, агрегатлаш ва унификация айрим атамалар ва таърифлар.
Ўзаро алмашинувчанлик – бир буюм, жараён ёки хизмат ўрнига худди ўша талабларни бажариш мақсадида бошқа буюм, жараён ёки хизматдан фойдаланиш учун яроқлилиги (функционал ўзаро алмашинувчанлик, геометрик (ўлчовли) ўзаро алмашинувчанлик)
Бир-бирига мослик – махсулот, жараён ёки хизматнинг талабларни бажариш учун берилган шароитларда қўшма (биргаликдаги), номақбул ўзаро таъсирларни келтириб чиқармайдиган фойдаланишга яроқлилиги.
Тизимлаштириш – предметлар, ходисалар ёки тушунчаларнинг белгиланган тартибда ва кетма-кетликда жойлашиши (алфавит, ТСТ синфлари; МХ белгиланиши, афзал сонлар ва б.)
Таснифлаш – тизимлаштиришнинг тури – предметлар, ходисалар ёки тушунчаларнинг уларнинг умумий белгиларига боғлиқ холда синфлар, кичик синфлар, разрядлар бўйича жойлашиши