Ўзбекистон республикаси олий ва ўрта махсус таълим вазирлиги абу райхон беруний номидаги

3.1-расм. Товар бензинлар олишнинг соддалаштирилган чизмаси

НБД – нефтни бирламчи дистилляцияси (АВТ); КР– каталитик риформинг (ароматизация); ГТ– гидротозалаш; НҚК – нефть қолдиқларини кокслаш; КК – каталитик крекинг; Алк–изобутанни бутиленлар билан алкиллаш; КС– компаундлаш станцияси; ДЁ– гидротозаланган дизель ёқилғиси; ББФ– бутан-бутилен фракцияси (чизиқлардаги рақамлар– фракцияларни қайнаш чегаралари). Қуйида ушбу жараёнларда (3.1-расмга қаранг) олинадиган бензин компонентларини тахминий гуруҳли углеводород таркиби келтирилган, % (масс.) да.

3.11-жадвал

Углеводородлар гуруҳи	НБД	НҚК	КК	КР
Ароматикалар	3÷10	12÷26	20÷25	30÷50
Нафтенлар	12÷30	5÷10	15÷20	5÷10
Парафинлар	60÷70	40÷50	40÷50	20÷40
Олефинлар	< 1	20-30	20-25	< 1

Уларнинг ҳаммаси 65÷70 дан (нефтни бирламчи дистилляциясидаги бензин фракцияси учун) 90÷95гача (каталитик риформинг бензин учун) турли октан сонларига эга. Товар бензин тайёрлаш учун базавий компонент октан сонлари мотор усули бўйича тахминан 79 ва 75 бўлган каталитик крекинг ёки каталитик риформинг бензин фракцияси олиниб, унга бир ёки бир нечта юқори октан сонли ароматик бўлмаган қўшимчалар (масалан, изопентан ёки октан сони мотор усули бўйича 89 бўлган изооктан концентрати– алкилат), ҳамда ароматик углеводородлар (масалан, 100 октан сонига эга бўлган толуол) қўшилади. Ушбу компонентлар улушини аралашмадаги миқдорини меъёрлаб товар бензинни талаб қилинган октан сонига ва фракцион таркибига эрилишилади. Ҳосил қилинган аралашмага оксидланишга қарши ва детонацияга қарши присадкалар ҳам киритилади. Хорижда авиабензинга антистатик ва музлаб қолишга қарши присадкалар ҳам қўшадилар. Ер ва ҳаво транспортлари учун автомобиль ва авиацион бензинлар ишлаб чиқарилади.