Ўзбекистон республикаси олий ва ўрта махсус таълим

Назорат саволлар: 
1. Педагогика фанининг предмети нима? 
2. «Педагогика» сўзининг илк маноси? 
3. Бугунги кунда педагогика нималарни ўрганувчи фан? 
4. Дастлабки педагогик ғоялар нималарда ифодаланган? 
5. Педагогиканинг фан сифатидаги тараққиётини даврлаштиринг. 
6. Халқ оғзаки ижоди намуналарининг қайсиларида педагогик ғоялар кучли акс 
етган? Намуналар келтиринг. 

---

- 13 - 
3–савол бўйича дарснинг мақсади: талабаларни педагогиканинг асосий 
категориялари билан яқиндан таништириш, уларни бир-биридан фарқлашга ўргатиш, 
талабаларни ўқитувчилик касбига бўлган қизиқишини ошириш. 
Идентив ўқув мақсадлари: 
1. 
Категориялар ҳақида умумий тасаввурларини баён етадилар. 
2. Педагогиканинг асосий категорияларини санаб ўтадилар. 
3. Асосий категорияларни бир-биридан фарқлайдилар. 
4. Асосий категорияларни тавсифлайди. 
3– саволнинг баёни: 
Педагогиканинг асосий категорияларига “таълим”, “тарбия”, “маълумот”, 
“ривожлантириш” каби тушунчалар киради, улар бир-бирини тўлдиради. Булардан 
ташқари, “ўқувчи”, “ўқитувчи”, “усул”, “қоида”, “жамоа”, “интизом”, “ирсият”, “муҳит”, 
“директор” ва ҳакозо каби тушунчалар мавжудки, булар ҳақида алоҳида мавзуларда сўз 
юритамиз. 
Маълумот – бу инсоният тўплаган илмий ва маданий қадриятлар тизимини 
ўзлаштириш натижасидир. У асосан режали таълим-тарбия ва бошқа йўллар билан 
олинади. Маълумот тўлиқ олиб бўлингач кишига тегишли ҳужжат берилади: гувоҳнома, 
диплом, сертификат ва ҳакозо. 
Таълим – бу махсус тайёрланган киши раҳбарлигида амалга ошириладиган 
маълумот бериш жараёнидир. Бу жараёнда ўқувчиларда билим, кўникма ва малакалар 
шакллантирилади, уларнинг қобилиятлари ривожлантирилади.
Тарбия – бу миллий ва умумбашарий қадриятлар асосида ўсиб келаётган ёш авлодда 
шахсий сифат ва инсоний фазилатларни шакллантириш жараёнидир.