Ўзбекистон республикаси олий ва ўрта махсус таьлим вазирлиги ислом каримов номидаги тошкент давлат

Оҳак сути тайёрлаш технологияси. Оҳакни сўндириш горизонтал ҳолатда жойлашган (3-4 айл/мин тезликда айланувчи) цилиндр шаклидаги пўлат барабанларда (диаметри 2,5 м, узунлиги 15 м) амалга оширилади. Жиҳознинг бир томонидан ва бир вақтда берилувчи оҳакнинг сув билан таъсирлашишидан сувда кам эрийдиган кальций гидроксид (оҳак сути) ҳосил қилинади. Шундан келиб чиққан ҳолда таркибида 280-290 г/л майда дисперс Ca(OH)₂ бўлган оҳак сути олиш учун сўндириш 95-96^ОС ҳароратда иссиқ сув (50-60^ОС) билан амалга оширилади.
Кальций гидрооксид олиш технологик схемаси 2 та асосий жараён: кальций оксид билан иссиқ сув орасидаги реакция ва кальций гидроксиднинг куймаган карбонат хомашёси ҳамда эримайдиган қўшимчалардан тозалашдан иборатдир.
Кальций гидрооксид тайёрлаш технологик схемаси 3-расмда тасвирланган. Ишчи бункер (2) дан кальций оксид таъминловчи (1) ёрдамида айланувчи барабан-реактор (3) га берилади. Бу ерга бир вақтнинг ўзида иссиқ сув ва чиқинди кальций оксидини ювишдан ҳосил бўлган эритма берилади. Реакция натижасида барабан-реакторда кальций гидроксид ҳосил бўлади.
Унинг таркибида ҳар хил ўлчамдаги қаттиқ аралашмаларнинг заррачалари ҳам бўлади. Ундан кейин кальций гидроксид навлайдиган барабан (5) га келиб тушади. Бу барабанда 40 мм тешикли элак жойлаштирилган. Барабанда куймаган карбонат хомашёсининг 40 мм дан катта бўлган бўлаклари ажратилади. Барабаннинг охирида бўлаклар иссиқ сув билан ювилади ва транспортёр орқали қайта куйдириш учун ўчоққа юборилади. Навлаш барабани 2 та қувурли махсус кожухнинг ичига ўрнатилади. Битта қувур конденсатор (4) га боради. Бу ерда буғ реакцияга берилаётган сувни иситади. Таъмирлаш ёки конденсаторни тозалаш вақтида буғни чиқариш учун иккинчи қувур атмосферага чиқарилган.
Ўлчами 40 мм дан кичик бўлган заррачалар билан кальций гидрооксид 2-навлаш барабани (7) га келади. Бу барабан айланаётган 2х10 мм ўлчамли элак ўрнатилган бўлади. Бу ерда ўлчами 2 мм дан кам бўлган заррачалар кальций гидрооксиддан ажратилади ва кожухнинг конусли қабул қилгичига келиб тушади. Ундан кейин кальций гидрооксид саралагич (14) да охиригача аралашмалардан тозаланади. Саралагичда чўккан қуйқум иссиқ сув билан ювилади ва қуйқум аралаштиргич (15) га берилади. Шундан сўнг қуйқум дистилляция бўлимига юборилади. Навловчи барабан (7) даги ўлчами 2 ммдан катта бўлган қаттиқ заррачалар шнек (8) орқали шарли тегирмонга (9)

3 – расм. Оҳак сути тайёрлашнинг технологик схемаси:

1 – латокли тамирловчи; 2 – ишчи бункер; 3 – калций гидроксид ҳосил қилиш барабани; 4 – конденсатор; 5 – йирик заррачалар учун навлаш барабани; 6 – транспортер; 7 – майда заррачалар учун навлаш барабани; 8 – шнек; 9 – ҳўл майдалаш учун шарли тегирмон; 10- тозаланмаган кучсиз оҳак сути аралаштиргичи; 11- силкинувчи элак; 12 – тозаланган кучсиз охат сути аралаштиргичи; 13 – чиқинди қуйқум аралаштиргичи; 14 – саралагич; 15 – концентрланган оҳак сути аралаштиргичи.

берилади. Тегирмонда майдалаш билан биргаликда гидроксид кальций ҳосил бўлиш жараёни ҳам содир бўлади. Тегирмонда ҳосил бўлган кам концентрацияли кальций гидроксид аралашмалар билан биргаликда аралаштиргич (10) га берилади ва насос оркали силкинувчи элакка (11) юборилади. Силвинувчи элакдан қуйқумли чиқинди қуйқум аралаштиргичи (13) га берилади, тозаланган кам концентрацияли Са(ОН)₂ аралаштиргич (12) га юборилади ва реакторга йўлланади. Саралагич ва силкинувчи элакдан чиққан қуйқум аралаштиргич (13) га берилади, унга сув қўшилади ва у насос билан чиқинди сифатида махсус йиғгичга чиқариб ташланади.

Тебранувчи элакда оҳакли сувни таъсирлашмаган оҳак бўлакчалари ва қумдан ажратилади ҳамда дистилляцияга юборилади.