Ўзбекистон Республикаси Олий ва Ўрта махсус, касб-ҳунар таълими вазирлиги Ўрта махсус, касб-ҳунар таълими маркази

Тўгарак машғулотларини таҳлил этиш

Таълим тизимида дарсдан ташқари услубий ишларни ташкил этиш тўгарак раҳбарлари ўртасида тажриба алмашинуви ва тўгарак машғулотларини сифатли ташкил этишни йўлга қўйиш мақсадида тўгарак ишларини таҳлил қилиш алоҳида аҳамиятга эга. Бундай қилинган таҳлил ўқув жараёнини янада сифатли ўтиши самарадорлигини оширади. Тўгарак машғулотлари таҳлили услуби жараённи ривожлантирувчи омил ҳисобланади.

Таҳлил нафақат раҳбарият ёки методистлар томонидан, балки тўгарак раҳбарлари томонидан ҳам олиб борилиши лозим. Бунда дарсдан ташқари таълимга қўйилган давлат талаблари асосида услубий ишларни ташкил этиш ва ривожлантириш, тўгарак раҳбарлари ўртасида тажриба алмашинуви ва тўгарак машғулотларини сифатли ташкил этишни йўлга қўйиш мақсадида тўгарак машғулотларини таҳлил қилишни ташкил этиш ҳам алоҳида аҳамиятга эга. Бундай таҳлил ўқув жараёнини янада сифатли ташкил этишнинг самарадорлигини оширади.
Машғулотлар жараёнида ўқув материаллар: китоблар, тестлар, тарқатма материаллар, ўқув-ёзув жиҳозлари бўлишига алоҳида эътибор қаратилади.
Педагогларнинг тўгарак машғулотлари жараёнида кичик гуруҳлар билан ишлаш фаолияти қуйидаги мезонлар асосида аниқланади.
- берилган мавзунинг мазмуни;
- гуруҳ аъзоларининг фаоллиги;
- тақдим этилаётган мавзуга ижодий ёндошиш;
- машғулотга тааллуқли бўлган жиҳозларнинг мавжудлиги;
- тақдимот ва олинадиган натижа.
Тўгарак машғулотлари қуйидаги тўрт хил таҳлил
асосида ўрганилади:


I Илмий таҳлил - берилаётган билимларнинг илмий-назарий жиҳати, тўгарак аъзолари бажараётган машғулотнинг мақсадга мувофиқ йўналиши жиҳатидан тўғрилигини аниқлаш демакдир. Бунда асосан қуйидагиларга эътибор берилади;

1. 
   Тўгарак раҳбарининг шу кунги машғулотга илмий-методик жиҳатдан тайёрланганлик ҳолати;
   
2. 
   Ўз мутахассислиги бўйича илмий-назарий ахборотлар билан қуролланганлиги;
   
3. 
   Тўгарак машғулотлари жараёнида илмий қоида ва таърифларнинг тўғри баён этилиши ва илмий анъаналарнинг тўгарак аъзоларининг онгига сингдириб борилиши;
   
4. 
   Таълимнинг тарбия билан боғлиқ ҳолда олиб борилиши.