Ўзбекистон республикаси олий ўрта махсус таълим вазирлиги тошкент молия институти

6 
Фаннинг ўқув режадаги бошқа фанлар билан ўзаро боғлиқлиги ва услубий 
жиҳатдан узвийлиги 
 
“Илмий-тадқиқот методологияси”фани умуметодологик фан ҳисобланиб, 1-
семестрда ўқитилади. 
Бу дастурни амалда бажариш учун талабалар “Ижтимоий-иқтисодий 
жараёнларни моделлаштириш ва прогнозлаш”, “Педагогик технологиялар ва 
педагогик маҳорат” фанларидан етарлича маълумотга эга бўлишлари лозим.
“Илмий-тадқиқот методологияси” фани “Корхоналарни ривожлантириш 
стратегияси”, “Тадбиркорлик иқтисодиёти”, “Иқтисодий ва бизнес режалаштириш” 
ва бошқа фанларни ўрганишда асос бўлиб хизмат қилади. 
Фаннинг ишлаб чиқаришдаги ўрни 
Мамлакатимизда иқтисодиётни модернизация қилиш ва амалга оширилаётган 
иқтисодий ислоҳотларни янада чуқурлаштириш жараёнида магистрларда илмий 
тадқиқотчилик қобилиятларини шакллантириш ва мамлакатимизда илм фан 
тараққиётини таъминлашда, юқори малакали кадрларни тайёрлаш ва уларни қайта 
тайёрлашни таъминлашда “Илмий-тадқиқот методологияси” фанини чуқурроқ 
ўрганиш муҳим аҳамият касб этади. 
Мазкур ўқув фани умуметодологик фанлар қаторидан ўрин олиб, у асосан 
талабаларда илмий тадқиқотчилик қобилиятларини ривожлантириш, уларнинг 
илмий фаолият билан шуғулланиш, магистрлик диссертацияларини ёзиш 
малакаларини, илмий мақолалар чоп этиш кўникмаларини шакллантириш каби 
масалаларга чуқур ёндашувни талаб этади.
 
Фанни ўқитишдаги замонавий ахборот ва педагогик технологиялар 
 
Талабаларнинг «Илмий тадқиқот методологияси» фанини ўзлаштиришлари 
учун ўқитишнинг илғор ва замонавий усулларидан фойдаланиш, янги 
информацион-педагогик технологияларни тадбиқ қилиш муҳим аҳамиятга эгадир. 
Фанни ўзлаштиришда дарслик, ўқув ва услубий қўлланмалар, маъруза матнлари, 
тарқатма материаллардан, электрон материаллар, виртуал стендлар ва макетлардан 
фойдаланилади. Маъруза, ва амалий ва лаборатория дарсларида мос равишдаги 
илғор педагогик технологиялардан, ўқув-услубий мажмуалардан фойдаланилади.