Ўзбекистон республикаси олий ўрта махсус таълим вазирлиги гулистон давлат университети

Мулкнинг сақланишини таъминлаш функцияси. Бу функция
бухгалтерия ҳисоби тизимини такомиллаштириш ва унинг назорат функциясини кучайтириш билан чамбарчас боғлиқ. Бухгалтерия ҳисобини тўғри йўлга қўйиш мулкнинг бутлигини таъминлаш, турли хилдаги йўқотишлар ва талон-тарожларнинг олдини олишга олиб келади. Бунинг учун корхонада барча шарт-шароитларни яратиш лозим: омборхоналар, назорат-ўлчаш асбоблари, ўлчаш идишлари ва бошқалар. Иқтисодий ислоҳотларнинг чуқурлаштирилиши ва бозор муносабатларининг эркинлаштирилиши, мулкдорлар сонининг кўпайиши, ташқи иқтисодий фаолиятнинг ривожланиши шароитида бухгалтерия ҳисобининг ушбу функцияси янада ривожланмоқда. Бухгалтерия ҳисобининг халқаро ва миллий стандартлари негизида, илмий асосланган ҳолда ташкил этилган ҳисоб тизими нафақат камомад ва ўғирликларни аниқлаш, уюшган жиноятларни очиб ташлаш, балки, уларнинг олдини олишга ҳам имкон яратади.
Ушбу функцияни амалга оширишнинг асосий омили бўлиб, ўз вақтида ва белгиланган тартибда инвентаризация ўтказиш, уларнинг натижаларини бухгалтерия ҳисобида акс эттириш ҳисобланади.
Таҳлил функцияси. Ишончли ва ҳуқуқий асосланган ахборот корхона молия-хўжалик фаолиятини таҳлил қилишда ишлатилади. Таҳлил бу қабул қилинган қарорлар натижасида эришилган ютуқ ва камчиликларни ўрганиш ҳамда у орқали натижаларни янада яхшилаш мақсадида ички-ташқи омилларни излаш жараёнидир.
Бухгалтерия ҳисобига қуйидаги бир нечта талаблар қўйилади:

• 
  ҳисобнинг содда ва тушунарли бўлиши. Содда ва ҳамма учун тушунарли ҳисобни ташкил этишдан асосий мақсад, уни мураккаблашишига йўл қўймаслик, ҳамда ҳисоб маълумотларидан кенг халқ оммаси фойдалана олишини таъминлашдан иборат.
  
• 
  ҳисобнинг режалилиги. Бу талаб юқорида айтиб ўтилган соддалик талаби билан чамбарчас боғлиқдир. Ҳисоб албатта зарурий маълумот ва кўрсаткичларга эга бўлган ҳолда, ҳисоб юритиш харажатларини иложи борича камайтириб бориш лозим.
  
• 
  ҳисобнинг аниқ ва тўғрилиги. Бу талаб негизида хўжалик фаолиятларида кузатиш натижасида олинган маълумотларни ҳужжатларда аниқ ва тўғри қайд этиш тушунилади.
  
•