Ўзбекистон Республикаси навоий кон-металлургия комбинати навоий давлат кончилик

2. Магнит сепарацияси ва бойитишнинг электр усуллари бўлинмалари
94. Электромагнит ва магнит сепараторларини ишлатганда магнит тизимига металл предметларини яқинлаштириш таъқиқланади. Электромагнит сепараторлари тўхтатилганда магнит тизими чўлғамларидаги кучланиш узилиши лозим.
95. Қуруқ магнит ва электромагнит сепарациялашда аппаратура сўриш вентиляцияси тизимига улаш учун патрубкаси бўлган герметик кожухлар ичига олинган бўлиши лозим.Агар вентиляция носоз ёки узилган бўлса сепараторларни ишлатиш рухсат этилмайди.
96. Нов ва сепараторларнинг қ.араш ва шуровкалаш люклари иш вақтида ёпиқ бўлиши лозим. Питател лотокларидан шепа ва бошқа предметларни қўл билан олиб ташлаш ман этилади.
97. Сепараторда унинг остига бошқа буюмларни қўйиш билан зазор ва лента юриш йўлини созлаш ман қилинади.
98. Электросепаратор хоналарига бегона кишиларнинг кириши таъқиқланади.
99. Электросепаратор корпуси чанг ва нам ўтказмайдиган бўлиши лозим. Агарда корпус ва унинг деворидаги барча люклар (қарайдиган тешиклар) ҳамда бошқа зичлагичлар герметик ҳолда бўлмасалар сепараторни ишга туширишга рухсат этилмайди.
100. Ички электр қисмларига қараш имконини берадиган сепараторининг эшикчалари электрик блокировкаланган бўлиши лозим, бу эса иш пайтида уларнинг очилишига йўл қўймайди.
101. Юқори кучланишли тармоқдан узилган электросепараторнинг ток ўтказувчи қисмларига уларни зарядсизлантирганга қадар тегиш ва индикатор билан текшириш ман қилинади.
102. Иккинчи киши иштирокисиз электросепаратор қопламасидаги эшикчаларни очиш ва жиҳозларни жорий таъмирлашини ўтказишга рухсат этилмайди (сақлагичларни алмаштириш, паст кучланишли аппаратура томонидаги котактларни тозалаш ва тортиш бундан мустасно). Бу вақтда аввало ушбу аппаратдан кучланишни узиш лозим бўлади.
103. Электросепаратор машинисти ва тўғрилагич қурилмалари операторининг иш жойлари махсус диэлектрик изоляторлар билан жиҳозланган бўлиши лозим.


3. Олтингугуртли маъданларни бойитишдаги қўшимча талаблар
104. Портлаш ва ёнғин чиқиш хавфи бўйича А, Б тоифадаги ва уларда катта миқдорда портлаш хавфи бўлган ҳамда заҳарли буғ ва газлар ажралиб чиқиши мумкин бўлган ишлаб чиқариш хоналари учун, шунингдек майдалагичларда чанг портлаганда олтингугуртли газ ажраладиган болғали майдалагичлар бўлинмаларида авария сўриш вентиляцияси қурилмалари кўзда тутилган бўлиши лозим.
105. Олтингугуртли маъдан чангининг портлашини олдини олиш учун болғали майдалагичлар иш фазосида қуйидагилар таъминланган бўлиши лозим:
а) ишлаб турган майдалагичларнинг майдалаш зонасига доимо ишлатилган буғ ёки майда пуркалган сув бериб турилиши(туман ҳосил қилгичлар, форсункалар ёрдамида);
б) майдалаш бўлинмасидаги барча электротехник қурилмалар, қувурлар, металл ҳаво ўтказгичлар, конвейер рамалари, металл конструкцияларни ерга уланиш занжирини узлуксизлигини таъминлаш йўли билан майдалагичларда статик электр зарядларининг тўпланиб қолишидан ҳимоялаш.
106. Болғали майдалагичлар бўлинмасидаги майдалагич ичида ҳосил бўладиган олтингугурт газларидан ҳимояланиш учун ишчиларга изоляцияловчи газ ниқоблар берилиши лозим.
107. Олтингугуртли маъданларни ўртача майдалаш майдалагичларини ер сатҳи нол белгисидан пастроқда жойлаштириш таъқиқланади.