Маъруза Яшил конвейер. Ем-хашак экинларни қўшиб экиш

Яшил конвейер.

Режа:

• 1. Яшил конвейер.
• 2. Яшил конвейер турлари.

1.Яшил конвейер турлари

• Қишлоқ хўжалик хайвонларини яйловлатиш мавсумида узлуксиз кўкат билан таъмин қилиш учун олиб борилган технологик, хўжалик ва ташкилий ишларнинг тизими яшил конвейер деб юритилади. Хўжаликнинг ихтисослашуви, табиий шароитлари, ҳайвонлар бош сони, табиий озуқа майдонларининг мавжудлигига қараб яшил конвейер турлича бўлади. Яшил конвейер уч хил турда бўлади. Бу – табиий, аралаш ва сунъий турлари.
• Табиий яшил конвейер - бу эрта баҳордан то кузгача молларни узлуксиз кўкат озуқани табиий яйловлардан олишга асосланган. Яшил конвейер турларини орасида бу энг орзон ва ташкил қилиши энг қулайдир, аммо бу яшил конвейер фақат табиий яйловлари катта майдонларни эгаллаган (чўл, тоғли минтақа) ёки юқори маҳсулдорликка эга бўлган маданий суғориладиган яйловлари мавжуд бўлган хўжаликларда ташкил этилади.
• Сунъий яшил конвейер – бу фақат махсус экилган бир йиллик ва кўп йиллик ем-хашак экинларни экиб яйловлатиш мавсумида молларни узлуксиз кўкат билан таъминлашдир.Бундай яшил конвейерни табиий озуқа майдонлари йўқ ёки жуда оз бўлган чорвачилик билан шуғулланувчи хўжаликларда ташкил этиш мумкин. Бу яшил конвейер турларини орасида энг қийинидир. Ўзбекистон шароитида кўпроқ шу яшил конвейерни тури кўпроқ учрайди.

• Аралаш яшил конвейер – бу табиий яйловлар билан бир қаторда ва махсус экилган ем-хашак экинлардан экиб молларни яйловлатиш мавсумида узлуксиз кўкат билан таъмин қилишдир. Маълумки табиий ўтлоқларда аксарият ҳолда баҳорда ва кузда ўтлар ўсган бўлади, ёзга келиб бу ўтлар қурийди, шунинг учун бу даврда махсус экилган ем-хашак экинлардан олинган ҳосил билан молларни кўкат билан таъминлаш мумкин.Аралаш яшил конвейер бошқаларга нисбатан кенг тарқалган.
• Яшил конвейерни ташкил қилиш учун қуйидагиларни аниқлаш лозим:
• -Экинларни танлаш
• -Талаб қилинадиган кўкат миқдорини аниқлаш
• -Талаб қилинадиган кўкат билан таъмин қилиш учун ҳар бир экинни экин майдонини аниқлаш.
• Талаб қилинадиган кўкат миқдорини аниқлаш учун хўжаликдаги молларни сонини аниқлаш, ҳар бир бош молга талаб қилинадиган кўкат миқдори, қайсики бу молларни турига, ёшига боғлиқ
• Яшил конвейер таркибига киритилаётган экиннинг ҳосилдорги хўжаликнинг тупроқ, иқлим шароитларидан келиб чиқиб белгиланади.