Ўзбекистон Республикаси навоий кон-металлургия комбинати навоий давлат кончилик

Ўзбекистон Республикаси


навоий кон-металлургия комбинати
НАВОИЙ давлат кончилик ИНСТИТУТ






5310300 – «Металлургия» йўналиши кундузги бўлим талабалари учун мўлжалланган





Навоий – 2020йил.
1- Маъруза. Асосий қоидалар
Режа
1. Атамалар ва таърифлар
2. Умумий талаблар


1. Атамалар ва таърифлар
1. Ушбу Қоидаларда қуйидаги асосий атамалар ва таърифлардан фоййдаланилади:
ғалвирлаш – ғалвирлаш сиртларга эга бўлган қурилма(грохот)ларда бажариладиган материалларни йириклик классларига ажратиш жараёни;
майдалаш – майдалаш агрегатларида амалга ошириладиган механикавий кучлар таъсирида бўлакланган, минерал хомашёни майдалаш жараёни;
таснифлаш –гидравлик (пневматик) ёки марказдан қочма майдонда ажратиш ёрдамида хомашёнинг ҳархил ўлчамдаги донадор ва полидисперс бўлакчаларини ҳархил катталикдаги классларга ажратиш;
концентрат – дастлабки материал (маъдан) дагига нисбатан фойдали компонентлари кўпроқ бўлган минерал хомашёнинг бойитиш маҳсулоти;
бойитиш – дастлабки хомашёга нисбатан фойдали компонентлари концентрациясини каттароқ қилиш мақсадида минерал хомашёни қайта ишлашнинг барча жараёнлари;
айланма сув таъминоти – сувни ҳардоим бир хилдаги истеъмолчилар томонидан фойдаланиш шарти билан уни зарур даражада тозалашни кўзда тутувчи сувни қайта циркуляциялаш саноат сув таъминоти тизими;
бойитиш маҳсулотлари – фойдали қазилмани бойитиш жараёнида олинадиган маҳсулотлар: концентрат, оралиқ маҳсулот, чиқиндилар;
қуюқлаштириш – оғирлик кучи ёки марказдан қочма кучлар таъсирида пулпадаги қаттиқ бўлакчаларни чўктириш натижасида амалга ошириладиган пулпани қуюқлашган маҳсулот ва чиқариб ташланадиган суюқ фазага ажратиш жараёни;
оқава сувлар – инсонннинг маиший ва ишлаб чиқариш фаолиятида фойдаланилгандан сўнг чиқариб ташланадиган сувлар бўлиб, қайта яна фойдаланишни ҳисобга олган ҳолда улар зарур даражада тозаланиши лозим;