Ўзбекистон Республикаси Молия вазирлигининг

2.1.6. ИШ ЎРНИ 
Истеъмолчига (мижозга), ўзингиз ва ҳамкасбларингизга энг кўп қулайлик яратишга интилинг. 
Офис ва иш ўрнининг тартиблилиги, тозалиги, озодалиги Ғазначилик тўғрисида яхши тасаввур 
туғдиради. Ғазначилик, башарти у Ғазначиликнинг имижига зид бўлмаса, иш ўрнининг 
индивидуал услубини маъқуллайди. Ҳар бир ходим ўз иш ўрнида тозалик ва тартибни сақлаши ва 
офисдаги тартибни кузатиб бориши керак. Офис биносининг тозалиги ва тартиблилиги учун ушбу 
бинода ишлайдиган таркибий бўлинма раҳбари бевосита жавоб беради. 
Иш ўрнида: 
 
компьютер ўйинлари ва бошқа ўйинларни ўйнаш; 
 
хизмат масалалари билан боғлиқ бўлмаган чет ишлар билан шуғулланиш; 
 
овқат ейиш (сув/чой/қаҳва бундан мустасно) тақиқланади. 
Ходимларнинг иш жойида ва чет шахслар кириши мумкин бўлган жойларда Ғазначиликнинг 
хизмат сирини ташкил этадиган ҳужжатлар, шунингдек фойдаланилиши ёки чет шахсларга (шу 
жумладан назорат қилувчи ташкилотларга) ошкор қилиниши Ғазначиликка зарар етказиши 
мумкин бўлган ашёлар, ҳужжатлар, буюмлар ва материаллар турмаслиги керак. 
Иш ўрнида: 
 
хизмат фаолиятига бевосита алоқада бўлмаган бадиий адабиёт, журналлар, газеталар; 
 
кийим-кечак, идиш-товоқ, косметика турмаслиги керак. 
2.1.7. МИЖОЗГА ХИЗМАТ КЎРСАТИШ 
Истеъмолчига (мижозга) хушмуомала муносабатда бўлиш амалий ҳамкорлик учун энг қулай 
шарт-шароитлар яратади. 
Истеъмолчиларга (мижозларга) хизмат кўрсатиш Ғазначиликнинг муҳим вазифаси, шу сабабли 
ходимлар ҳар қандай истеъмолчини (мижозни) энг яхши сервис билан таъминлашлари зарур.
Ходимлар Ғазначиликка келган ҳар бир кишига ҳурмат билан ва илтифотли муносабатда 
бўлиши керак. Истеъмолчи (мижоз) келгани заҳоти Ғазначилик ходими унга дарҳол муносабат 
билдириши лозим. Агар истеъмолчи (мижоз) айни вақтда хонада бўлмаган мутахассисга келган 
бўлса, истеъмолчи (мижоз)да пайдо бўлган муаммони ким ҳал этиши мумкинлигини батафсил 
тушунтириб, уни илтифот билан бошқа кишига юбориши керак. 
Истеъмолчиларга (мижозларга) хизмат кўрсатишнинг кечикиши, шунингдек сифатсиз ёки 
етарлича профессионал хизмат кўрсатилмаганлиги учун бевосита истеъмолчига (мижозга) хизмат 
кўрсатадиган таркибий бўлинма раҳбари жавоб беради.