Ўзбекистон Республикаси молия вазирлигининг Назорат-тафтиш бош бошқармаси ва унинг ҳудудий бошқармалари ходимларига (лавозимли)

III. Бюджет тизими тўғрисидаги қонун.


26-савол. Ўзбекистон Республикасининг 2000 йил
14 декабрдаги “Бюджет тизими тўғрисида”ги Қонунининг асосий вазифалари.


Жавоб: Ушбу Қонун:
Ўзбекистон Республикасининг бюджет тизими тузилиши ва уни бошқариш асосларини;
Ўзбекистон Республикасининг Давлат бюджетини (бундан буён матнда Давлат бюджети деб юритилади) тузиш принциплари ва унинг тузилмасини;
Давлат бюджетини тузиш, кўриб чиқиш, қабул қилиш ва ижро этиш тартибини;
Давлат бюджетининг даромадларини шакллантириш ва унинг харажатларини амалга ошириш принципларини;
Давлат бюджети тузилмасига кирувчи бюджетлар ўртасидаги ўзаро муносабатларни;
Давлат бюджети маблағлари билан операцияларни амалга ошириш жараёнида ҳисобга олиш, ҳисобот ва назорат қилиш тартибини белгилайди. (1-модда.)


27-савол. Ўзбекистон Республикаси Давлат бюджети тузилмасига кирувчи бюджетларни номма-ном санаб беринг ?


Жавоб: Ўзбекистон Республикаси давлат бюджети тузилмаси таркибида қуйидаги бюджетлар жамланади, яъни - Давлат бюджети, республика бюджети, Қорақалпоғистон Республикаси бюджети ва маҳаллий бюджетлар.
Давлат бюджети таркибида давлат мақсадли жамғармалари жамланади.
Қорақалпоғистон Республикаси бюджети Қорақалпоғистон Республикасининг республика бюджетини ҳамда республикага (Қорақалпоғистон) бўйсунувчи туманлар ва шаҳарлар бюджетларини ўз ичига олади.
Вилоятнинг бюджети вилоят бюджетини, вилоятга бўйсунувчи туманлар ва шаҳарлар бюджетларини ўз ичига олади.
Туманларга бўлинадиган шаҳарнинг бюджети шаҳар бюджетини ва шаҳар таркибига кирувчи туманлар бюджетларини ўз ичига олади.
Туманга бўйсунадиган шаҳарлари бўлган туманнинг бюджети туман бюджетини ва туман бўйсунувидаги шаҳарлар бюджетларини ўз ичига олади.
Давлат бюджети – бу давлат пул маблағларининг (шу жумладан давлат мақсадли жамғармалари маблағларининг) марказлаштирилган жамғармаси бўлиб, унда даромадлар манбалари ва улардан тушумлар миқдори, шунингдек молия йили мобайнида аниқ мақсадлар учун ажратиладиган маблағлар сарфи йўналишлари ва миқдори назарда тутилади.
2000 йил 14 декабрдаги 158-II-сон «Бюджет тизими тўғрисида»ги Қонуннинг 9-моддаси


28-савол. Давлат бюджети даромадлари ва харажатлари бўйича тушунча беринг?