Ўзбекистон Республикаси Молия вазирлиги Бухгалтерия ҳисоби ва аудит услубиёти департаменти бўлим бошлиғи ўринбосари

амал қилишини тугатиш ва уни бекор қилиш учун асосларни 
бирлаштириш ҳам янги норма сифатида таклиф қилинмоқда. Малака 
сертификатининг амал қилиши тугатилганда уни тугатиш тўғрисидаги қарор 
қабул қилинган санадан бошлаб, малака сертификатини бекор қилинганда эса 
малака сертификати берилган санадан бошлаб кучга киради.
Ёш мутахассисларнинг аудиторлик касбига қизиқишини ошириш учун 
бухгалтерия ҳисоби ва аудит мутахассисликлари бўйича магистрантларнинг 
иш стажига қўйиладиган талаблар қайта кўриб чиқилди.

---

11 
11 
Сертификат олиш учун талабгор олий маълумотга ҳамда олий таълим 
ташкилотини тамомлаганидан кейин охирги ўн йилдан камида уч йил 
бухгалтерия ҳисоби ва аудит соҳасида ёки олий таълим ташкилотида 
«Бухгалтерия ҳисоби» ёхуд «Аудит» фанидан дарс бериш соҳасида иш 
стажига (шу жумладан ўриндошлик асосида) эга бўлиши керак. 
«Бухгалтерия ҳисоби» ва «аудит» ихтисосликлари бўйича магистр 
дипломига эга бўлган талабгор учун аудиторлик ташкилотида камида бир 
йиллик иш стажи (шу жумладан ўриндошлик асосида) талаб қилинади. 
Агар талабгорнинг иқтисодий ихтисосликлар бўйича илмий даражаси 
мавжуд бўлса бухгалтерия ҳисоби ва аудит соҳасидаги иш стажи талаб 
этилмайди. 
Аудитор малака сертификатини бериш, қайта расмийлаштириш, бекор 
қилиш, амал қилишини узайтириш ва тугатишнинг амалдаги тартиби 
идоравий ҳужжат “Аудитор малака сертификатини бериш тартиби 
тўғрисида”ги Низом (рўйхат рақами 3105, 2018 йил 21 декабрь) билан 
тартибга солинади. Шу билан бирга алоҳида талабалар Қонуннинг амалдаги 
таҳририда ҳам мавжуд.
Бир хил масалалардаги ҳуқуқий нормалар кўплигини бартараф этиш 
учун аудиторларни сертификатлаш бўйича асосий талаблар Низомдан 
Қонунга кўчирилиб, Қонун кучга кирганда идоравий Низом ўз кучини 
йўқотган деб топилади.
Тўртинчи бобда аудиторлик ташкилоти, унинг ҳуқуқлари ва 
мажбуриятлари батафсил ёритилди ҳамда аудиторлик ташкилотларининг 
жавобгарлиги аниқлаштирилди.